మేకింగ్ వీడియో: భళా రాజమౌళి భళా

అతడో కర్మయోగి. తాను అనుకున్న పని పూర్తయ్యేదాకా విశ్రమించడు. అందుకోసం ఏళ్ల తరబడి అయినా శ్రమిస్తాడు. ఫలితం రాబడుతాడు. అందుకే దేశంలోని బడా బడా స్టార్ లు సైతం జక్కన్న జపం చేస్తున్నారు. బాహుబలి విషయంలో రాజమౌళి అసలు ఏం చేస్తున్నాడు... ఏం తీస్తున్నాడు అన్నది ఇప్పటి వరకు కొనసాగిన సస్పెన్సే... కానీ ప్రస్తుతం విడుదలైన చిత్ర మేకింగ్ వీడియో రాజన్న శ్రమను, పటిమను చూపెడుతోంది. లేటెస్ట్ మేకింగ్‌ వీడియో చూస్తే ఎవరైనా గుడ్లు తేలేయాల్సిందే. అనితర సాధ్యమయ్యే రీతిలో బాహుబలి రూపొందుకుంటుందనే విషయం ఈ వీడియోను చూసిన వారేవరికైనా అర్థమవుతుంది. ఈ చిత్రానికి వేసిన స్కెచ్చులు, డిజైన్‌ చేసిన సెట్‌ ప్రాపర్టీలు, సెట్లు చూస్తే కళ్లు మిరుమిట్లు గొలుపుతున్నాయి. స్పీల్ బర్గ్ లెవలో ఏదో హాలీవుడ్‌ సినిమా మేకింగ్‌ వీడియోను చూస్తున్నామా? అన్న అనుభూతిని రాజమౌళి కలిగించాడు . ప్రతిష్టాత్మకంగా తెరకెక్కుతున్న ఈ చిత్రం కోసం దర్శక ధీరుడు పడే శ్రమ వ్రుథాకాబోదని క్లియర్ గా తెలుస్తోంది. మౌళి అండ్ కో కలిసి రెండేళ్లుగా శ్రమిస్తున్న తయారు చేస్తోన్న ఈ దృశ్య కావ్యం తెలుగు చలన చిత్ర చరిత్రలో ఓ చరిత్రగా నిలిచిపోతుందని విశ్లేషకులు భావిస్తోంటే, చిత్ర వంద కోట్ల కుంభస్థలాన్ని కొట్టి తీరుతుందని సినీ ట్రేడ్‌ పండితులు అపుడే జోస్యం చెప్పేస్తున్నారు. ఈ మేకింగ్ వీడియోను చూసినవారు మాత్రం భళా రాజమౌళి భళా అనక మానరు.