బాహుబలి ప్రచారం సౌందర్యలహరితోనా? ఈటీవీ ఛానెల్ లో ప్రముఖ దర్శకుడు కె.రాఘవేంద్రరావు ‘సౌందర్యలహరి’ అనే కార్యక్రమం నిర్వహిస్తున్న విషయం అందరికీ తెలిసిందే. దర్శకుడిగా తన సినీ అనుభవాన్ని పురస్కరించుకుని తనతో పని చేసిన ఎందరినో ఈ ప్రొగ్రాంకు ఆహ్వానించి ముచ్చటిస్తున్నారు.
సౌందర్య లహరిలో ఇప్పటి వరకు చాలా మంది నటీనటులు, సాంకేతిక నిపుణులు వచ్చి, రాఘవేంద్రరావుతో తమ సన్నిహితత్వం, వారి సినిమా అనుభవాలు ప్రేక్షకులతో పంచుకుంటున్నారు. అయితే ఈ కార్యక్రమానికి యంగ్ రెబల్ స్టార్ ప్రభాస్, ప్రముఖ దర్శకుడు రాజమౌళి విచ్చేయనున్నట్టు ఒక వార్త. వీరికి సంబంధించిన ఎపిసోడ్ ను ఈనెల 17న చిత్రీకరించారట. ఈ ఎపిసోడ్ ఎప్పుడు ప్రసారం అవుతుందనేది ఇంకా తెలియరాలేదు. రాజమౌళి దర్శకుడిగా తన ప్రయాణం ‘స్టూడెంట్ నెం.1’తో మొదలైంది. ఈ చిత్రానికి కె.రాఘవేంద్రరావు పర్యవేక్షకుడిగా బాధ్యత తీసుకు. రాఘవేంద్రరావు శిష్యుడిగా రాజమౌళి సినిమాల్లోకి ఎంటరై, ఆ తర్వాత తన ఓన్ ఐడెంటిటీతో ఎన్నో హిట్ చిత్రాలను ప్రేక్షకులకు అందించారు. ఇప్పటి వరకూ ఒక్క ఫ్లాప్ సినిమా కూడా తన లిస్టులో చేర్చుకోలేదు. ఇప్పుడు ‘బాహుబలి’ వంటి భారీ చిత్రాన్ని తెరకెక్కించారు. అది కూడా రాఘవేంద్రరావు ఈ సినిమాకు కొంత భాగం పర్యవేక్షకుడిగా ఉన్నారు. ఇందులోని హీరో ప్రభాస్, రాఘవేంద్రరావులకు మంచి అనుబంధం వుంది. దీంతో ప్రభాస్, రాజమౌళిలు ఈ కార్యక్రమంలో పాల్గొని తమ బాహుబలి సినిమాకు ఈ ప్రోగ్రామ్ తో ప్రమోట్ చేసుకునే ఆలోచన కనిపిస్తోంది. ఇప్పటివరకూ సినిమా గురించి ఏ మాత్రం బయటపెట్టని రాజమౌళి ఈ ప్రోగ్రామ్ లో ఏం చెప్పనున్నారో వేచి చూద్దాం....
.jpg)
