ఇప్పటి వరకు ఓ రకం కామెడితో తెలుగు ప్రేక్షకులను నవ్వించిన హీరో అల్లరి నరేష్ ఓ కొత్త కథాంశంతో ‘దొంగల్ని దోచుకో’ అనే కాన్సెప్ట్ తో ‘బందిపోటు’గా వచ్చి నవ్వులు ఎగరేసుకుపోనున్నాడు. మోహనకృష్ణ ఇంద్రగంటి దర్శకత్వంలో రాజేష్ ఈదర ఈ చిత్రాన్ని నిర్మించారు. ఈ చిత్రం సెన్సార్ కార్యక్రమాలను పూర్తి చేసుకుని ఫిబ్రవరి 20న విడుదలకు సిద్ధమైంది. ఈ సందర్భంగా చిత్రయూనిట్ సినిమా విడుదలకాక ముందే ప్రేక్షకులను కలవబోతున్నారట. ఈ కార్యక్రమానికి ప్రేమికుల రోజును వేదికగా చేసుకున్నారు. చిత్రనిర్మాత ఈదర రాజేష్ మాట్లాడుతూ "నాన్నగారు స్టార్ట్ చేసిన ఇవివి సినిమా బ్యానర్ లో ప్రెస్టీజియస్ మూవీస్ చేయాలనే ఆలోచనతో బందిపోటు చిత్రాన్ని నిర్మించాం. మా సంస్థ నుండి సినిమా వస్తుందంటే ఎప్పుడెప్పుడా అని ప్రేక్షకులు ఆసక్తిగా ఎదురు చూడాలనేది మా కోరిక. ఈ బందిపోటు చిత్రం మా బ్యానర్ వాల్యూను పెంచే విధంగా ఉంటుంది. ప్రమోషన్ కార్యక్రమం ఉదయం 11 గంటలకు ప్రారంభం అవుతుంది. అలాగే 15 ఫిబ్రవరిన సాయంత్రం 6 గంటలకు విజయవాడ కళావాహినిలో ప్లాటినమ్ డిస్క్ ఫంక్షన్ వేడుక జరుగుతుంది. ఈ వేడుకలో చిత్రయూనిట్ పాల్గొన నున్నారు" అని వివరించారు.
.jpg)
