టెంపర్ పై రాజమౌళి రిపోర్టు

టెంపర్ సినిమాపై ఇటు సినీ ఫీల్డ్ నుంచి అటు ఆడియన్స్ నుంచి కూడా మంచి టాక్ వచ్చేసింది. రాంగోపాల్ వర్మ అయితే జూ.ఎన్టీఆర్ ను తెగ పొగడిచేస్తున్నారు. విడుదలయ్యే ప్రతి సినిమా చూసి తన అభిప్రాయం వెల్లడి చేసే రాజమౌళి కామెంట్ కోసం కూడా ఇప్పుడు ఆడియన్స్ ఎదురు చూస్తున్నారంటే, సోషల్ మీడియాలో రాజమౌళి ఎంత మింగిల్ అయిపోయి ఉన్నాడో అర్థమవుతోంది. రాజమౌళికి ఆ సినిమా నచ్చిందంటే సినిమా బావుంటుందని కూడా థియేటర్ కు వెళుతున్నారు చాలా మంది. ఇతర సినిమాలన్నీ రాజమళి తప్పకుండా చూస్తారో? లేదో? తెలియదు కానీ ఎన్టీఆర్ సినిమాలు మాత్రం ఆయన తప్పకుండా చూస్తారు. ఇద్దరూ ఒకే సినిమాతో ఒకేసారి కెరీర్ మొదలు పెట్టారు. తాజాగా రాజ‌మౌళి కూకట్ పల్లిలోని మ‌ల్లిఖార్జున థియేట‌ర్‌లో టెంప‌ర్ ఫ్యాన్స్ కోసం వేసిన షోకు హాజరయ్యారు. ఆయనతోపాటు పలువురు సినీ ప్రముఖులు కూడా హాజరయ్యారు. ఎన్టీఆర్ న‌ట‌న హై రేంజ్‌లో ఉంద‌ని, ముఖ్యంగా కోర్టు సీన్‌, పోలీస్ స్టేష‌న్ సీన్ చాలా కాలం గుర్తుండి పోతుంద‌ని, డైరెక్ట‌ర్ పూరి జ‌గ‌న్నాథ్ త‌న ట్రేడ్ మార్క్ హీరో క్యారెక్ట‌ రైజేష‌న డైలాగ్స్‌ తోనే కాకుండా స్ట్రాంగ్ స్క్రిప్ట్‌, బ్యూటిఫుల్ క్లయి మాక్స్ ఇచ్చాడ‌ని రాజమౌళి చెప్పుకొచ్చారు. ఇంకేముంది రాజమౌళి కూడా టెంపర్ సినిమాకు బోలెడు మార్కులు వేసేశారు. ఇక ఆడియన్స్ అడ్వాన్స్ బుకింగ్లకు ఎగబడవచ్చునన్న మాట.