అల్లరి నరేష్ హీరోగా నటించిన ‘బందిపోటు’ సినిమా ప్రీ ప్రొడక్షన్ పనులన్నీ పూర్తి చేసుకుని విడుదలకు సిద్ధమైంది. ఈ చిత్రం ఆడియో ఫంక్షన్ ఈ మధ్యే పలువురు సినీ ప్రముఖుల మధ్య అట్టహాసంగా జరుపుకుంది. ఇంద్రగంటి మోహన కృష్ణ దర్శకత్వంలో రూపొందుతున్న ఈ చిత్రాన్ని ఈవీవీ పెద్ద కుమారుడు ఆర్యన్ రాజేష్ తమ సొంత బేనర్ పై నిర్మిస్తున్నాడు. ఎప్పుడు రిలీజ్ చేయాలనే విషయమై తర్జనభర్జన అనంతరం టెంపర్ రిలీజ్ 13కు పోస్ట్ పోన్ కావడంతో ఫిబ్రవరి 6న రిలీజ్ చేయాలని నిర్ణయించారు. ఈ చిత్రం ఆద్యంతం కామెడీ అందించే విధంగా తీశామని దర్శకుడు మోహన కృష్ణ అంటున్నాడు. ఇందులో నరేష్ సరసన కథానాయికగా ఈషా నటించింది.
.jpg)
