చిరు బర్త్ డే కు బాలీవుడ్ స్టార్లు

చిరు బర్త్ డే కార్యక్రమాలను గ్రాండ్ గా జరిపేందకు ఆయన అభిమానులు నెల రోజులకు ముందునుంచే సన్నాహాలు చేస్తున్నారు. ప్రతి సంవత్సరం ఆగస్టు 22 చిరంజీవి బర్త్ డే రోజును అభిమానులు పెద్ద ఎత్తున సామాజిక కార్యక్రమాలు నిర్వహిస్తారు. అయితే ఈసారి జరుగుబోయే బర్త్ డే కు మరింత ప్రాముఖ్యతను ఇస్తున్నారు. కారణం చిరంజీవి 60 సంవత్సరాలను పూర్తి చేసుకుంటున్నారు. అందుకే ఆయన బర్త్ డే వేడుక కోసం అభిమానులు చాలా ఘనంగా ఏర్పాట్లు చేస్తున్నారు. దాంతో పాటు చిరంజీవి కూడా ఓ బిగ్ బర్త్ డే పార్టీ ఇవ్వనున్నాడని ఇది వరకే తెలిసిన విషయం. ఆగస్టు 22వ తేదీ సాయంత్రం హైదరాబాద్ లో పార్క్ హయత్ హోటల్ లో చిరు 60వ బర్త్ డే పార్టీ ఘనంగా జరగనుంది. ఈ పార్టీ కోసం ఇండస్ట్రీలోని ప్రముఖులందరినీ ప్రత్యేకంగా ఆహ్వానించారు. వీరితో పాటు పలువురు రాజకీయ నాయకులను కూడా ఆహ్వానించారు. ఈ బర్త్ డే కు చిరు ఫ్యామిలీ బాలీవుడ్ ప్రముఖులను కూడా ఆహ్వానించినట్టు తెలుస్తోంది. అందులో బాలీవుడ్ సూపర్ స్టార్ అమితాబ్ బచ్చన్, మిస్టర్ పర్ఫెక్షనిస్ట్ అమీర్ ఖాన్ లు ఈ పార్టీకి హాజరయ్యే అవకాశం ఉందని సన్నిహితులు చెబుతున్నారు. మెగా పవర్ స్టార్ రామ్ చరణ్ మరియు అతని సతీమణి ఉపాసన దగ్గరుండి అన్ని పనులు చూసుకుంటున్నారు. అలాగే రామ్ చరణ్ చిరు బర్త్ డే కానుకగా ఓ స్టన్నింగ్ గిఫ్ట్ ని ప్లాన్ చేసినట్లు సమాచారం. అలాగే రామ్ చరణ్ సినిమా ఫస్ట్ టీజర్ ని కూడా ఆ రోజే లాంచ్ చేయనున్నారు.