విడుదలకు సిద్ధమైన ‘క్రిమినల్స్’

ఓషో తులసీరామ్ దర్శకత్వంలో నిషా కొఠారి, అఖిల్ కార్తీక్ ప్రధాన పాత్రల్లో నటిస్తున్న చిత్రం క్రిమినల్స్. ఈ చిత్రానికి సి.హెచ్.వి.శర్మ నిర్మాతగా వ్యవహరించారు. చిత్రానికి సంబంధించిన నిర్మాణానంతర కార్యక్రమాలన్నీ పూర్తి చేసుకుంది. చిత్రాన్ని త్వరలో ప్రేక్షకుల ముందుకు తెచ్చేందుకు సిద్ధమయ్యారు. ఈ సందర్భంగా దర్శకుడు చిత్ర విశేషాలు తెలియజేస్తూ తెలుగు సినిమా స్క్రీన్‌పై మునుపెన్నడూ రాని కథతో తెరకెక్కిస్తున్న చిత్రమిది. నిషా కొఠారి నటన చిత్రానికి హైలైట్‌గా నిలుస్తుంది. అన్ని వర్గాల వారిని అలరించే కమర్షియల్ ఎలిమెంట్స్‌ని మిళితంచేసి క్రైమ్, రివేంజ్, మాస్ ఎంటర్‌టైనర్‌గా ఈ చిత్రాన్ని రూపొందించాం. ఇటీవల విడుదల చేసిన ప్రచార చిత్రాలకు ప్రేక్షకుల నుంచి విశేష స్పందన లభిస్తోంది. అన్ని కార్యక్రమాలు పూర్తయ్యాయి. మంత్ర ఆనంద్ సంగీతం అందించిన ఈ చిత్ర గీతాల్ని ఇటీవలే విడుదల చేశాం.  నేపథ్య సంగీతంతో పాటు పాటలు ఆకట్టుకుంటాయి. ప్రొఫెషనల్ క్రియేషన్స్ సంస్థ ద్వారా ప్రపంచ వ్యాప్తంగా ఈ చిత్రాన్ని విడుదల చేయబోతున్నాం అన్నారు. రవిబాబు, విజయ్‌సాయి, ఉత్తేజ్, రవివర్మ, పూజతోమర్ తదితరులు నటిస్తున్నారు. ఈ చిత్రానికి మాటలు: రాజేంద్రప్రసాద్, పాటలు: సుద్దాల అశోక్‌తేజ, ఎడిటింగ్: వినయ్‌రామ్, ఛాయాగ్రహణం: జస్వంత్, సహనిర్మాతలు: కొండాబత్తుల నాగశేఖర్, కాళే సుబ్బారావు.