జబర్దస్త్ ఫేమ్ ధనరాజ్ ధనలక్ష్మి తలుపుతట్టి తన అద్రుష్టాన్ని పరీక్షించుకోబోతున్నాడు. ఆయనతో పాటు మనోజ్‌నందం, రణధీర్‌, అనిల్‌ కళ్యాణ్‌, విజయ్‌సాయి, సింధుతులాని, శ్రీముఖి, నాగబాబు, తాగుబోతు రమేష్‌ లు ఈ సినిమాలో నటించారు. మాస్టర్‌ సుక్కురామ్‌ సమర్పణలో భీమవరం టాకీస్‌ పతాకంపై తుమ్మలపల్లి రామసత్యనారాయణ నిర్మిస్తున్న ఈ ఎంటర్‌టైన్‌మెంట్‌ థ్రిల్లర్‌ షూటింగ్‌ కార్యక్రమాలు పూర్తి చేసుకొని.. ప్రస్తుతం పోస్ట్‌ ప్రొడక్షన్‌ పనుల్లో బిజీగా ఉంది. సాయి అచ్యుత్‌ చిన్నారి దర్శకుడిగా పరిచయమవుతున్న ఈ చిత్రం ఫస్ట్ లుక్‌ను దర్శకుడు రాంగోపాల్‌వర్మ ఆవిష్కరించారు. ఈ కార్యక్రమంలో నిర్మాత తుమ్మలపల్లి రామసత్యనారాయణ, ముఖ్యపాత్రధారులు ధనరాజ్, మనోజ్‌నందం, అనిల్‌ కళ్యాణ్‌, విజయ్‌సాయి, చిత్ర దర్శకులు సాయి అచ్చుత్‌ చిన్నారిలతోపాటు పలువురు యూనిట్‌ సభ్యులు పాల్గొన్నారు. ఈ సందర్భంగా రాంగోపాల్‌వర్మ మాట్లాడుతూ... ‘నా దర్శకత్వంలో ‘ఐస్‌క్రీమ్‌`1 మరియుఐస్‌క్రీమ్‌`2 నిర్మించి, నాతో మరికొన్ని చిత్రాలు నిర్మిస్తున్న రామ సత్యనారాయణ`‘ఐస్‌క్రీమ్‌`2'లో నటించిన ధన్ రాజ్ కలిసి రూపొందిస్తున్న ఈ ‘ధనలక్ష్మి తలుపు తడితే' సినిమా కాన్సెప్ట్‌ నాకు తెలుసు. ధనరాజ్ మంచి ఆర్టిస్ట్‌ మాత్రమే కాదు, అతనిలో మంచి టెక్నీషియన్‌ కూడా ఉన్నాడు. సినిమా పట్ల అతనికి మంచి అభిరుచి ఉంది. ఈ సినిమా విజువల్స్ చాలా బాగున్నాయనీ అందరికీ ఆల్ ద బెస్ట్ చెప్పారు.
.jpg)
