మోస్ట్ డిజైరబుల్ లేడీగా సానియా

టైమ్స్ నిర్వహించిన మోస్ట్ డిజైరబుల్ ఉమెన్ పోలింగ్ లో ఈసారి సానియా మిర్జా మొదటి స్థానం దక్కించుకుంది. ఇటీవల నిర్వహించిన మెన్ సర్వేలో 2014 మోస్ట్ డిజైరబుల్ మాన్ గా రానా మొదటి స్థానం పొందిన విషయం అందరికీ తెలిసిందే. ఆయన మహేష్ మొదటి స్థానాన్ని తప్పించడంపై మహేష్ అభిమానులు ఇంకా జీర్ణం చేసుకోలేకపోతున్నారు. తాజాగా హైదరాబాద్ టైమ్స్ సంస్థ మోస్ట్ డిజైరబుల్ ఉమెన్ లిస్టు కూడా విడుదల చేసింది. మొత్తం 25 మందితో ఈ లిస్టు విడుదల చేసారు. ఈ సారి నెం.1 స్థానాన్ని టెన్నిస్ స్టార్ సానియా మిర్జా సొంతం చేసుకుంది. గతేడాది 11వ స్థానంలో ఉన్న ఆమె ప్రస్తుతం టాప్ పొజిషన్ దక్కించుకోవడం విశేషం. గతేడాది నెం.1 స్థానంలో ఉన్న శృతి హాసన్ ఈ సారి 4వ స్థానానికి పడిపోయింది. హాట్ అండ్ సెక్సీ ఇమేజ్ ఉన్న టాప్ హీరోయిన్లు సైతం ఈ సారి సానియా మీర్జా కంటే వెనకపడిపోవడం విశేషం. సానియా తర్వాత స్థానంలో శ్రీయ, అనుష్క శెట్టి, శృతి హాసన్, పూజా హెడ్గే, తమన్నా, సైనా నెహ్వాల్, రకుల్ ప్రీత్ సింగ్, సమంత, హన్సిక, లక్ష్మి మంచు, మధురిమ, క్రిటి సనన్, నయన తార, అదా శర్మ, చార్మి, హంసా నందిని, ప్రణీత, నిత్యా మీనన్, కాజల్ అగర్వాల్, కేథరిన్ థెరిస్సా, సోనాల్ చౌహాన్, రెజీనా, తాప్సీ, తేజస్వి తదితరులు ఉన్నారు. అందరూ ఒకటి రెండు స్థానాలు అటు ఇటుగా ఉండగా ఈసారి అనుష్కశెట్టి మాత్రం 15వ స్థానం నుంచి 3వ స్థానానికి చేరుకుంది.