ఒకే థియేటర్లో సంవత్సరం ఆడిన సినిమాల గురించి విన్నాం... షోలే, నమక్ హలాల్ వంటి గొప్ప చిత్రాలు ఒకే థియేటర్లో సంవత్సరం ఆడి రికార్డు సృష్టించాయి. కానీ ఇప్పటి సినిమాలైతే 100 రోజులు ఆడితే చాలా గొప్పగా చెప్పుకోవాలి. ఇక ఈ ప్రేమ కథ ఒకే థియేటర్లో 20 ఏళ్ళు ఆడుతోందంటే... ఇది ఇంటర్ నేషనల్ వార్త... పెద్ద రికార్డ్... అవుతుంది. ఆ సినిమాయే షారూక్ ఖాన్, కాజోల్ నటించిన ' దిల్ వాలే దుల్హనియా లేజాయేంగే '. 1995 అక్టోబర్ 20న రిలీజ్ అయిన ఈ రొమాంటిక్ లవ్ స్టోరీ ఇప్పటికీ ముంబై మరాఠా మందిర్ లో రోజూ ప్రదర్శింపబడుతూనే ఉంది. ఇప్పటికీ ఈ సినిమాను ప్రేక్షకులు చూస్తూనే ఉన్నారు. దర్శకుడు ఆదిత్య చోప్రా తెరకెక్కించిన ఈప్రేమ కథ చిత్రం 10 ఫిలిం ఫేర్ అవార్డ్ లతో పాటు బెస్ట్ పాపులర్ ఫిలింగా నేషనల్ అవార్డ్ అందుకుంది. ఇంతటి ఘనకీర్తి సోంతంచేసుకున్న ' దిల్ వాలే దుల్హానియా లేజాయేంగే 'మూవీ 20 ఏళ్లు పూర్తి చేసుకున్న సందర్భంగా ఆ సినిమా నిర్మాణ సంస్థ యష్ రాజ్ ఫిలింస్ ఓ స్పెషల్ వీడియో రూపొందించింది. ఈ వీడియోను త్వరలోనే రిలీజ్ చేయనున్నట్టు తన ట్విట్టర్ ద్వారా అభిమానులకు తెలియజేశాడు షారూఖ్. మరోసారి కాజోల్ తో కలిసి దిల్ వాలే సినిమాలో నటిస్తున్న షారూఖ్, డిడిఎల్ తరహాలోనే రూపొందించిన పోస్టర్ ను ట్విట్టర్ పేజ్ లో పోస్ట్ చేశాడు.
.jpg)
