సోనారిక రెండో సినిమా అల్లుడుశీనుతో...

హరహర మహాదేవలో.... పార్వతిగా నటించి, దేవతకు ప్రతి రూపంలా కనిపించింది సోనారికా... ఆ సీరియల్ చూసిన వారంతా కుందనపు బొమ్మలా ఉందనుకున్నారు సోనారికను... అందుకే సీరియల్ మధ్యలోనే సినిమాలకు లాక్కొచ్చినట్టున్నారు. తొలి తెలుగు చిత్రం ‘జాదుగాడు’ పూర్తి కాకముందే చాలా సినిమాలకు బుక్ అయిపోయింది ఈ అమ్మడు. తన రెండవ సినిమా బెల్లంకొండ శ్రీనివాస్ హీరోగా ప్రముఖ దర్శకుడు భీమనేని శ్రీనివాస్ దర్శకత్వంలో తెరకెక్కుతోంది. తమిళంలో ‘సుందర్ పాండియన్’గా, కన్నడంలో ‘రాజహులి’గా రూపొందిన చిత్రాలకు రీమేక్ ఈ చిత్రం. ఇటీవలే ప్రారంభమైన ఈ చిత్ర షూటింగ్ శరవేగంగా జరుగుతోంది.  తాజాగా బెల్లంకొండ శ్రీనివాస్ చిత్రానికి సంబంధించిన ఫోటో షూట్ ఫోటోలను విడుదల చేసారు. ఇందులో సోనారిక స్కూల్ స్టూడెంట్ పాత్రలో నటిస్తున్నట్లుగా కనిపిస్తోంది. అలాగే మరో ఫోటోలో అచ్చమైన తెలుగమ్మాయి వలే అందంగా ఉంది. భీమనేని సునీత నిర్మిస్తున్న ఈ చిత్రానికి శ్రీ వసంత్ సంగీతం అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. ఈ చిత్రానికి కథ-ఎస్.ఆర్.ప్రభాకరన్, మాటలు- భీమనేని శ్రీనివాస్ రావు, ప్రవీణ్, సినిమాటోగ్రఫి-విజయ్ ఉలగనాథ్, సంగీతం- శ్రీ వసంత్, ఎడిటింగ్- గౌతంరాజు, ఆర్ట్ - కిరణ్ కుమార్, పబ్లిసిటి డిజైనర్ - ధని ఏలె, కాస్టూమ్స్ -శివ, ఖాదర్, స్టిల్స్ - కటారి, కో డైరెక్టర్ -రాంగోపాల్ చౌదరి, ప్రొడక్షన్ ఎగ్జిక్యూటివ్ - బండిశేషయ్య, ఎగ్జిక్యూటివ్ ప్రొడ్యూసర్ - వివేక్ కూచిభొట్ల, సమర్పణ- భీమనేని రోషితా సాయి, మాటలు-స్ర్కీన్ ప్లే-దర్శకత్వం- భీమనేని శ్రీనివాస్ రావు, నిర్మాత- భీమనేని సునీత.