వర్మ కామెంట్: పవన్-మహేష్... ఎవరు గొప్ప?

ప్రశ్నిస్తూనే ఇన్ డైరెక్టుగా మహేష్ బాబు గొప్ప అంటున్నాడు సంచలన వ్యాఖ్యల దర్శకుడు రాం గోపాల్ వర్మ. సామాన్య జనాల్లో ఈ ప్రశ్న అందరికీ తొలుస్తూనే ఉండడం సహజం. కానీ కొందరు వీరాభిమానులు మాత్రం ఇలాంటి చర్చలు చేస్తే పేట్రేగి పోతారు. అందుకే ఇలాంటి వ్యాఖ్యలు మీడియా పరంగా చేసే సాహసం ఎవరూ చేయరు. కానీ మన వర్మ గారికి ఇలాంటివి సరదా కదా... అందుకే ట్విట్టర్ లో చెలరేగి పోయారు. గత కొంత కాలంగా తెలుగు సినీ పరిశ్రమలో నెం.1 ఎవరనే చర్చ సాగుతున్నసంగతి తెలిసిందే. మొదటి స్థానాల్లో పవన్-మహేష్ లు ఉంటారు కానీ ఎవరిది ఫస్ట్ ప్లేస్ అనేది చెప్పలేకపోతారు. అయితే ఈ అంశంపై రామ్ గోపాల్ వర్మ నిన్న రాత్రి ట్విట్టర్ ద్వారా ఏదో రాసుకొచ్చారు. ఈ ఇద్దరు స్టార్ హీరోలకు ఉన్న ట్విట్టర్ ఫాలోవర్స్ ఆధారంగా రామ్ గోపాల్ వర్మ స్పందిస్తూ... పవన్ కళ్యాణ్ కంటే మహేష్ బాబే పెద్ద స్టారా? అంటూ మళ్ళీ జనాల్లోకి ఓ ప్రశ్న విసిరారు. పవన్ కళ్యాణ్ తన ట్విట్టర్ అకౌంట్లో కేవలం 6 లక్షల మంది ఫాలోయర్స్ మాత్రమే న్నారనీ, కానీ మహేష్ బాబుకు 15 లక్షలకు పైగా ఫాలోవర్స్ ఉన్నారు. మరి ఈ స్టార్ హీరోలకు ఫాలోయర్స్ లో ఎందుకింత తేడా కనిపిస్తోందంటున్నారు. మరో మాట కూడా అన్నారు కళ్యాణ్ ప్యాన్స్ లో చదువుకున్న వారు లేరా? సోషల్ నెట్వర్క్ టెక్నికల్ నాలెడ్జి లేదా? అంటూ ప్రశ్నిస్తున్నారు. సమంత లాంటి హీరోయిన్ కు కూడా 10 లక్షల మంది ఫాలోవర్స్ ఉన్నారనీ, పవన్ కళ్యాన్ లేట్ గా ట్విట్టర్ ఓపెన్ చేయడం వల్ల ఇలా జరిగితే... అభిమాని ట్విట్టర్ ఎకౌంట్ ఓపెన్ చేశాడనగానే అందరూ ఒకేసారి అభిమానిని ఫాలో చేస్తారు కదా? అంటూ ఇలా రకరకాల కామెంట్లు చేశారు రాంగోపాల్ వర్మ. మరి ఆయన కామెంట్లపై అభిమానులు ఎలా స్పందిస్తారో చూద్దాం.