యాందిరో... అసలేందిరో... యాందిరో మీ మగాళ్ళలో అంత ఇర్రఈగిపోయె గొప్ప అంటూ తొలిసారిగా మంచు లక్ష్మి తన గళాన్ని విప్పి ఇరగదీసే పాట పాడేసింది. ఈ పాటతో ఓ వీడియోను కూడా విడుదల చేసింది, పాటతో పాటు పిక్చరైజేషన్ కూడా కొంత చూపించి, మహిళలను ఉత్సాహపరిచింది మంచు లక్ష్మి. తన ఈ పాట మహిళలకు డెడికేట్ చేస్తున్నట్టు కూడా చివర్లో చెప్పింది. ఇంతకీ ఈ పాట మంచు లక్ష్మీ, అడవి శేష్, మధు, ప్రభాకర్ ప్రధాన పాత్రలలో నటిస్తున్నసిన ‘దొంగాట’ చిత్రంలోనిది. ఈ చిత్రం ద్వారా వంశీకృష్ణ దర్శకుడిగా పరిచయమవుతున్నాడు. విద్యానిర్వాణ సమర్పణలో మంచు ఎంటర్ టైన్మెంట్స్ ప్రై.లిమిటెడ్ పతాకంపై మంచులక్ష్మీ స్వయంగా నిర్మిస్తున్నారు. రఘు కుంచె సంగీతం అందిస్తున్నాడు. ఈ చిత్ర ఆడియో విడుదల కార్యక్రమం నేడు జరుగనుంది. ఈ కార్యక్రమానికి చిత్ర యూనిట్ తో పాటు మంచు ఫ్యామిలీ మరియు నాగార్జున, రవితేజలు కూడా విచ్చేయనున్నట్లుగా తెలిసింది. ఈ సినిమాలోని ఓ పార్టీ సాంగ్ లో నాగార్జున, రవితేజ, మనోజ్, రానా, శింబు, నాని తదితరులు నటించారు. ఇప్పటికే విడుదలైన ఈ చిత్ర ట్రైలర్ మరియు మంచు లక్ష్మీ పాడిన పాటకు భారీ రెస్పాన్స్ వచ్చింది. క్రైమ్, కామెడీ థ్రిల్లర్ మూవీగా తెరకెక్కుతున్న ఈ చిత్రం త్వరలోనే ప్రేక్షకుల ముందుకు రానుంది.
.jpg)
