నటనను అణువణువునా నింపుకుని యూనివర్సల్ హీరోగా ప్రేక్షకుల మదిలో నిలిచిపోయాడు కమల్ హాసన్. క్యారెక్టర్ ఏదైనా సరే అందులో లీనమైపోయి జీవించేయడం ఆయన నైజం. హిట్ లతో, ప్లాపులతో సంబంధం లేకుండా వైవిధ్యమైన కాన్సెప్ట్ లను అభిమానులకు ఎప్పటికప్పుడూ అందిస్తూనే ఉన్నాడు. అలాంటి ఆయనంటే భారతీయ చలనచిత్ర ఇండస్ట్రీ మొత్తానికి ఓ గౌరవం. మరి అలాంటి వ్యక్తని కొట్టాల్సిన అవసరం ఏ హీరోయిన్ వచ్చింది. అంతలా కమల్ ఏంచేశాడు.
కమల్ ను కొట్టింది ఎవరో కాదు స్టార్ నటి త్రిష. అయితే ఆమె కొట్టిందానికి ఓ కారణం కూడా ఉంది. వారిద్దరూ ఇప్పుడు తుంగవనం (తెలుగులో చీకటి రాజ్యం) చిత్రంలో కలిసి నటిస్తున్నారు. ఈ చిత్రంలో త్రిష, కమల్ హాసన్ మధ్య ఓ చిన్న ఫైట్ ఉంటుందట. ఈ ఫైట్ ను చాలా రియాలిస్టిక్ గా తెరకెక్కించినట్లు సమాచారం. ఎంతలా అంటే త్రిష కొట్టిన దెబ్బకు కమల్ గూబ వాసిపోయిందట. ఈ ఫైట్ ను ఫ్రెంచి స్టంట్ మాస్టర్స్ త్రయం గిల్లెస్, సిల్ వెయిన్, వర్జి అర్నాడ్ కంపోజ్ చేశారట. ఓ రెస్టారెంట్ లో వారిద్దరి మధ్య ఉంటుందని తెలుస్తోంది.
కాగా, ఇందులో కమల్ ఓ పోలీసాఫీసర్ పాత్ర పొషిస్తుండగా, త్రిష తన కెరీర్ లో ఇంత వరకు చెయ్యని పాత్ర చేస్తుందట. ఇక ప్రకాశ్ రాజ్ ఇందులో మెయిన్ విలన్. కమల్ శిష్యుడు రాజేష్ ఈ చిత్రానికి దర్శకత్వం వహిస్తున్నాడు. ఇక ఇప్పటికే విడుదలైన ఫస్ట్ లుక్ పోస్టర్లు చిత్రంపై భారీ అంచనాను పెంచుతున్నాయి. ఇక సెప్టెంబర్ 16న ఈ చిత్ర అఫీషీయల్ ట్రైలర్ ను విడుల చెయ్యనున్నారు. దీపావళి సందర్భంగా ఈ చిత్రం తెలుగు తమిళంలో ప్రేక్షకుల ముందుకు రానుంది.
.jpg)
