మహేష్ తో ముగ్గురు హీరోయిన్ల రొమాన్స్!!!

తెరమీద ఏమో గానీ... తెర వెనుక మాత్రం కాస్త మొహమాటస్తుడుగానే కనిపిస్తాడు మహేష్ బాబు. ఆయన హీరోయిన్ తో చేసే డాన్సులు... చిలిపి చేష్టలు... చూసి ప్రేక్షకులు ఉక్కిరిబిక్కిరై ఉబ్బితబ్బిబ్బయి... ఆనందంలో మునిగి పోతుంటారు గానీ... మహేష్ బాబు మాత్రం హమ్మయ్య సీన్ అయిపోయిందిరా దేవుడా..! అనుకుంటారేమో... అనిపిస్తుంది ఆయన మొహమాటం చూస్తే.... ఓ ఇంటర్వ్యూలో చెప్పాడు కూడా డాన్స్ లు తప్పదని చేస్తాను గానీ... సినిమాలో ఇవి లేకపోతే బాగుండు అనిపిస్తుందని. ఆఫ్ ది స్క్రీన్ బిడియస్తుడిగా కనిపించే ఈ హీరో మీదకు ఏకంగా ముగ్గురు హీరోయిన్లను ఉసిగొలిపితే... ఏమైపోతాడండీ పాపం... ఇప్పటి వరకూ ఈయన చేసిన సినిమాలన్నీ  ఎక్కువగా ఒకే హీరోయిన్ తో చేశాడు. హీరోలు చాలా మంది ఇద్దరేసి హీరోయిన్లతో సరదా చేస్తే.... ఈయన సినిమాలన్నీ ఒక్క హీరోయిన్ చాలన్నట్టుంటాయి. ఈయన చేసిన సినిమాల్లో యువ రాజు, టక్కరి దొంగ సినిమాల్లో మాత్రమే ఇద్దరు హీరోయిన్లు. కానీ ఇప్పుడు చేయబోయే ‘బ్రహ్మోత్సవం’ సినిమాలో ఏకంగా ముగ్గురు హీరోయిన్లను తీసుకుంటున్నారట. ఇప్పటికే రకుల్ ప్రీత్ సింగ్, ప్రణీత లను ఎంపిక చేయగా ఇక మూడో హీరోయిన్ కోసం వెతుకుతున్నారట. ఇంకొద్ది రోజుల్లో ఆ అమ్మడి ఎంపిక కూడా అయిపోతుంది. పాపం మహేష్ బాబు.... శ్రీకాంత్ అడ్డాల దర్శకత్వంలో వస్తున్న బ్రహ్మోత్సవం మే 31న కొబ్బరి కాయ కొట్టి ప్రారంభించారు.  ఈ చిత్రాన్ని 2016 సంక్రాంతికి విడుదల చేయాలని చిత్ర యూనిట్ భావిస్తోంది.