అర్థం కాలేదా? కన్ఫ్యూజ్ అవకండి. సాధారణంగా మ్యూజిక్ డైరక్టర్ దేవీశ్రీప్రసాద్ టైటిల్ సాంగ్ లకు ప్రత్యేక శ్రద్ధ కనబరుస్తాడు. ఇక పవర్ స్టార్ సినిమాలకైతే మరీనూ. జల్సా, గబ్బర్ సింగ్, అత్తారింటికి దారేదీలలో టైటిల్ ట్రాక్ లకు ఇచ్చిన మ్యూజిక్ ఎంత రాకింగో మనం ప్రత్యేకంగా చెప్పుకోవాల్సిన అవసరం లేదు. అలాంటిది పవన్ కళ్యాణ్ అప్ కమింగ్ మూవీ సర్దార్ కోసం కూడా ఓ ప్రత్యేక సాంగ్ ను కంపోజ్ చేసేందుకు సిద్ధమైపోతున్నాడు. అయితే ఇక్కడో ప్రత్యేకత ఉంది. ఆయనేం కొత్త సాంగ్ ను కంపోజ్ చేయట్లేదట. గతంలో వచ్చిన గబ్బర్ సింగ్ టైటిల్ సాంగ్ నే రీమిక్స్ చేయబోతున్నారంట.
పాత సినిమా పాటలను రీమిక్స్ చేసి పెట్టుకోవటం ఒక ఆనవాయితీ. కానీ, ఇక్కడ సర్దార్ కోసం అంతకు ముందు వచ్చిన గబ్బర్ సింగ్ లోని ట్రాక్ సాంగ్ నే రీమిక్స్ చేయటం విశేషం. ఇక ఈ పాటకు పవన్ అదిరే స్టెప్పులు కూడా వేయబోతున్నాడని సమాచారం. అంతేకాదు తన సినిమాలో పాట పాడేందుకు ఆసక్తి చూపే పవన్ చేత సర్దార్ లో కూడా సాంగ్ సింగించబోతున్నాడట దేవీ. గబ్బర్ సింగ్ లో బాగా పేలిన అంత్యాక్షరి కామెడీ సీన్ తరహాలోనే జబర్దస్త్ టీం చేత ఇందులో కూడా ఓ సీన్ చేయించాడట దర్శకుడు రవీంద్ర అలియాస్ బాబీ. ప్రస్తుతం 5 కోట్లతో వేసిన భారీ సెట్ లో ఈ సీన్ నే చిత్రీకరిస్తున్నట్లు తెలుస్తోంది.
.jpg)
