‘గబ్బర్ సింగ్ 2‘’ చిత్రం ఇదిగో మొదలు అదిగో మొదలు అంటూ... చాలా రోజులు అభిమానులను ఊరించారు. ఒక దశలో అసలు మొదలు పెడతారా? లేదా అని కూడా డైలామాలో పడ్డారు పవన్ అభిమానులు. ఎట్టకేలకు ఈ చిత్రం పూనేలో ప్రారంభాంచారు. పవన్ కళ్యాణ్ అభిమానులంతా పండుగ చేసుకున్నారు. కానీ ఈ చిత్రం మొదలు పెట్టి వారం రోజులు మాత్రమే అయ్యింది అప్ఫుడే మొదటి షెడ్యూల్ పూర్తి చేశారట. ఇందులో ఆశ్చర్య పోవాల్సింది ఏమీ లేదు. ఎందుకంటే అంత పకడ్బంధీగా ప్రీ ప్రొడక్షన్ పనులన్నీ పూర్తి చేసుకున్నాకే షూటింగ్ మొదలు పెట్టడంతో ఆగకుండా చకచకా ముందుకు వెళ్ళిపోతోంది. నటీనటులు, సాంకేతికనిపుణులు, షూటింగ్ లోకేషన్లు, ప్రీ ప్రొడక్షన్ కార్యక్రమాలు... ఇలా అన్ని పనులు పూర్తయ్యాకనే ఈ చిత్ర షూటింగ్ మే 29న ప్రారంభించారు. దర్శకుడు బాబీ పక్కాగా ఈ చిత్రాన్ని తెరకెక్కిస్తున్నట్లుగా చిత్ర యూనిట్ చెబుతోంది. అన్ని కార్యక్రమాలు పూర్తయ్యాయి కాబట్టి.. షూటింగ్ నిరవధికంగా కొనసాగుతున్నట్లుగా తెలుస్తోంది. భారీ అంచనాలతో రూపొందుతున్న ఈ చిత్రాన్ని ప్రముఖ నిర్మాత శరత్ మరార్ నిర్మిస్తున్నారు. పవన్ సరసన అనీషా అంబ్రోస్ తొలిసారిగా హీరోయిన్ గా జతకడుతోంది. దేవిశ్రీప్రసాద్ సంగీతం అందిస్తున్నాడు.
.jpg)
