ఛార్మి ప్రధాన పాత్రలో పూరీ జగన్నాథ్ దర్శకత్వంలో రెడీ అవుతున్న చిత్రం ‘జ్యోతిలక్ష్మీ’. సునీల్ కశ్యప్ సంగీతం అందించిన ఈ చిత్ర ఆడియో విడుదల కార్యక్రమం నిన్న హైదరాబాద్ లో ఘనంగా జరిగింది. ఈ కార్యక్రమంలో ఛార్మి, మరో నటి శ్యామల యాంకరింగ్ చేసి ఆడియో ఫంక్షన్ కు మరింత ఎట్రాక్షన్ అయ్యారు. ఆడియో సిడీని పూరీ జగన్నాథ్ విడుదల చేసి తొలి సీడీని ఛార్మీకి అందజేసారు. ఈ కార్యక్రమంలో ఛార్మి మాట్లాడుతూ... ఇప్పటివరకూ హీరోయిన్ గా కెమెరా ముందుండి పనిచేసాను. మొదటిసారిగా కెమెరా వెనక వుండి ఈ సినిమాకు పనిచేసాను. తెర వెనుక టెక్నీషియన్స్ కష్టం ఎంత వుంటుందో ఈ చిత్రం ద్వారా నాకు అర్థమయ్యింది. ఈ సినిమాకు పనిచేసిన ప్రతి ఒక్కరికి కృతజ్ఞతలు. ఈ సినిమాకు అన్నీ పూరీగారే. సినిమా చాలా బాగా వచ్చింది. కళ్యాణ్ గారు ఎక్కడా కాంప్రమైజ్ అవ్వకుండా అద్భుతంగా నిర్మించారు. సునీల్ మంచి మ్యూజిక్ ఇచ్చాడు. ఈ సినిమా నా కెరీర్ కు ప్రత్యేకం అవుతుంది అన్నారు. ఖచ్చితంగా విజయం సాధిస్తుందని నమ్మకముంది అన్నారు.
పూరీ జగన్నాథ్ మాట్లాడుతూ.... నలభై ఐదు సంవత్సరాల క్రితం మల్లాది వెంకటకృష్ణమూర్తి గారు రాసిన ‘మిసెస్ పరాంకుశం’ కథ ఇది. ఆరేళ్ళ క్రితమే చార్మికి చెప్పాననీ, కానీ ఇన్నాళ్ళకు ఇది కార్యరూపం దాల్చిందన్నారు. ఈ సినిమా చెయ్యాలంటే ఒక పవర్ హౌస్ కావాలి. ఒక ఎనర్జీ వున్న అమ్మాయి కావాలి. ఛార్మి ఇందులో ఇరగ్గొట్టేసింది. యాక్టింగ్ తో పాటు ప్రొడక్షన్ సైడ్ కూడా ఎంతో ఇన్వాల్వ్ అయ్యింది. ఈ సినిమాకు పనిచేసిన వారందరికి థ్యాంక్స్. ‘జ్యోతిలక్ష్మీ’ సినిమా హిట్ చేస్తే ఇలాంటి మరి కొన్ని సినిమాలు చేయడానికి ఉత్సాహం వస్తుందని అన్నారు. ఇది హిట్ అయితే తర్వాత ‘జ్యోతిలక్ష్మీ-2’ కూడా చెయ్యాలని ఉందన్నారు. ఈ సినిమా ట్రైలర్ సాంగ్ లో చార్మి డాన్స్ బాగుందనే ప్రశంసలు అందుకుంది. బ్రహ్మానందం రొటీన్ స్టైల్... డాంబికం.... డాన్స్ తో కామెడీ బాగానే అందించారు.
.jpg)
