సాహసం, లౌక్యం తో హిట్ లైన్ లోకి వచ్చిన హీరో గోపీచంద్ ఆ ట్రాక్ ను అలాగే కొనసాగించాలనుకుంటున్నాడు. ఇక తాజాగా గోపీ నటించిన జిల్ చిత్రం ఈ నెల 27 న విడుదల కానుంది. ఈ చిత్రానికి రాధాక్రుష్ణ కుమార్ అనే కొత్త దర్శకుడు ఇండస్ర్టీకి పరిచయం కానున్నాడు. ఇక ఈ చిత్రానికి సంబంధించిన విషయాలను నిర్మాతలు వంశీ, ప్రమోద్ లు మీడియాకు తెలియజేశారు. యాక్షన్ పాత్రలకు పెట్టిన పేరైన మనోడు ఈ చిత్రంలో కూడా ఓ వైవిధ్యమైన పాత్రను పోషించబోతున్నాడని వారు చెప్పారు. ఇందులో ఫైర్ ఆఫీసర్ పాత్రలో గోపీ అలరించనున్నాడట. అగ్ని కీలలు ఎగసిపడేప్పుడు ఆ ప్రమాదాన్ని ఎలా ఎదుర్కుంటాడో... సమాజంలోని అవినీతిని కూడా అదే పంథాలో ఎదుర్కునే పాత్రలో కనిపిస్తాడని వారు చెబుతున్నారు . ఈ సరి కొత్త పంథాలో గోపీచంద్ నటన అందరినీ ఆకర్షిస్తుందని వారు అంటున్నారు. ఇక ఈ చిత్రానికి స్పెషల్ అట్రాక్షన్ కచ్ఛితంగా హీరోయిన్ రాశిఖన్నా అవుతుందని వారు చెబుతున్నారు. ఇప్పటికే విడుదలైన ట్రైలర్లో అమ్మడి అందాలు చూస్తుంటే థియేటర్ లో సెగలు పుట్టించడం ఖాయంగా కనిపిస్తోంది.
.jpg)
