అఖిల్ కు అన్న పోటీ ఇస్తాడా?

నాగచైతన్యను సిల్వర్ స్క్రీన్ కు పరిచయం చేస్తూ మొదటి హిట్ ఇచ్చిన గౌతమ్ మీనన్ చై తో మరో సినిమా చేస్తున్న విషయం తెలిసిందే. ‘సాహసమే శ్వాసగా సాగిపో’ అనే ఈ చిత్రం మొదలు పెట్టి ఎన్నో రోజులు కావడంలేదు అప్పుడే ముగింపు దశకు చేరుకుందని ఈ చిత్ర టీం వెల్లడి చేసింది. ఇటీవలే రిలీజ్ చేసిన ఈ సినిమా ఫస్ట్ టీజర్ కి మంచి రెస్పాన్స్ వచ్చింది. ముగింపు షెడ్యూల్ ను చెన్నైలో పూర్తి చేయబోతున్నారట. అక్టోబరు ఆఖరుకల్లా ఈ సినిమా పూర్తవుతుందంటున్నారు. మరి అదే గనుక నిజమైతే అన్న తమ్ముడికి పోటీ వస్తాడేమో...! తెరమీద అన్నదమ్ములిద్దరూ పోటీ పడతారా? అఖిల్ సినిమా దసరాకు విడుదల కావాల్సి ఉండగా వాయిదా వేసుకున్నారు. ఇక ఈ సినిమాను దీపావళికైనా విడుదల చేయాలని అనుకుంటున్నారు. నెలాఖరుకు ముగింపుకు చేరుకున్న సాహసమే శ్వాసగా సాగిపో సినిమా విడుదలకు సిద్ధమైనట్టే. దీపావళికి కాకపోతే మరో వారం రోజుల్లో తెరమీదకు తీసుకు వచ్చే ఛాన్సెస్ ఉన్నాయి. 
గౌతమ్ మీనన్ అనుకున్నట్టుగానే ఈ సినిమాని చెప్పిన సమయానికల్లా పూర్తి చేశారు. ఈ సినిమా చాలా డిఫరెంట్ లవ్ కం యాక్షన్ ఎంటర్ టైన్ మెంట్ గా తెరకెక్కించారు. ఫస్ట్ హాఫ్ మొత్తం రొమాంటిక్ స్టొరీగా కనిపించే ఈ సినిమా సెకండాఫ్ లో ఒక్కసారిగా హై వోల్టేజ్ యాక్షన్ మూవీగా మారిపోతుందట. ఈ సినిమాలో నాగచైతన్య సరసన మలయాళ భామ మంజిమ మోహన్ హీరోయిన్ గా కనిపించనుంది. టాలీవుడ్ ఫేమస్ రైటర్ కోన వెంకట్ ఈ సినిమాని తెలుగులో నిర్మిస్తున్నాడు.
గౌతమ్ మీనన్ ఈ సినిమాని ఒకేసారి తెలుగు, తమిళ భాషల్లో తెరకెక్కిస్తున్నారు. తమిళ్ లో శింబు హీరోగా నటిస్తున్నాడు. చిత్రానికి ఎ.ఆర్,రెహమాన్ సంగీతం అందిస్తున్నారు.