హీరోయిన్ హన్సిక హరర్ మూవీలో నటించింది. తను మరోసారి టాలీవుడ్‌లో తన అదృష్టాన్ని పరీక్షించుకోబోతోంది. ఎప్పుడూ అందాలు ఆరబోసే పాత్రల్లో నటించిన హన్సిక ‘చంద్రకళ’గా ప్రేక్షకుల ముందుకు రాబోతోంది. ఇటీవల తమిళంలో హిట్టయిన 'అరన్మణి' మూవీని తెలుగులో 'చంద్రకళ' పేరుతో నిర్మాత సి. కళ్యాణ్ తెరకెక్కిస్తున్నాడు. సుందర్ డైరెక్ట్ చేసిన ఈ చిత్రం కోలీవుడ్‌లో కోట్ల వర్షం కురిపించింది. ఈ సినిమా షూటింగ్ అంతా హైదరాబాద్ పరిసరాల్లోనే జరిగింది. డిసెంబర్ మొదటి వారంలో ఆడియో విడుదల చేయనున్నట్టు సమాచారం. అదేనెల మూడోవారంలో థియేటర్లలోకి రానుంది. ఇందులో హన్సికతోపాటు లక్ష్మీరాయ్, ఆండ్రియా ముఖ్యమైన పాత్రల్లో కనిపించబోతున్నారు. హారర్, ఫ్యామిలీ ఎంటర్‌టైన్‌మెంట్‌గా రానున్న ఈ సినిమాకి గ్రాఫిక్స్ హైలైట్ అవుతాయని నిర్మాత వెల్లడించాడు. దీనికి సంబంధించి స్టిల్స్ లో హన్సిక చాలా డిఫరెంట్ గా కనిపిస్తోందని చెపుతున్నారు. ఈమె నటించిన ‘పాండవులు పాండవులు తుమ్మెద’, ‘పవర్’ వంటి చిత్రాలు ఈ ఏడాది బాక్సాఫీసు వద్ద బాగానే వసూళ్లు రాబట్టాయి. మరి ‘చంద్రకళ’ కలెక్షన్లు టాలీవుడ్ లో ఎలా ఉంటాయో వేచి చూడాల్సిందే.
.jpg)
