‘రుద్రమదేవి’ కి ‘జయసూర్య’ పోటీ...

తెలుగువాడైన తమిళ హీరో విశాల్... సినిమాలన్నీ తెలుగులోకి తర్జుమా చేసి ఇక్కడ కూడా లాగించేస్తుంటారు. ఇప్పటి వరకూ డబ్ చేయిన ఈ హీరో సినిమాలన్నీ తెలుగులో కూడా బాగా కలెక్షన్లు రాబట్టాయి. ఇప్పుడు కొత్తగా మళ్ళీ ‘జయసూర్య’గా వచ్చేస్తున్నాడు. ఈ సినిమాను సెప్టెంబర్ 4న విడుదల చేయడానికి సిద్ధమయ్యాడు. సెప్టెంబర్ 4న గుణ శేఖర్ రుద్రమదేవి కూడా విడుదల అవుతుండడంతో విశాల్ రుద్రమదేవి కలెక్షన్లకు గండి కొడతాడా? అని తెలుగు ఇండస్ట్రీ చర్చించుకుంటోంది. విశాల్, కాజల్ జంటగా సర్వంత్‌రామ్ క్రియేషన్స్ పతాకంపై సుశీంద్రన్ దర్శకత్వంలో జి.నాగేశ్వర్‌రెడ్డి, ఎస్.నరసింహప్రసాద్ అందిస్తున్న చిత్రం ‘జయసూర్య’. ఈ చిత్రాన్ని ద్విభాషా చిత్రంగా రూపొందించారు. సినిమాకు సంబంధించిన టైటిల్ లోగోను హైదరాబాద్‌లో కోన వెంకట్, దర్శకుడు దశరథ్ సంయుక్తంగా విడుదల చేశారు. ఈ సందర్భంగా నిర్మాత జి.నాగేశ్వర్‌రెడ్డి మాట్లాడుతూ తొలిసారిగా నిర్మాతగా ఈ చిత్రాన్ని అందిస్తున్నానని, విశాల్ మీదున్న నమ్మకంతో ఈ సినిమాను తెలుగులోకి తర్జుమా చేశామని, అన్ని కార్యక్రమాలు పూర్తిచేసి ఈనెల 22న ఆడియోను, సెప్టెంబర్ 4 సినిమాను విడుదల చేయడానికి సన్నాహాలు చేస్తున్నామని ఆయన అన్నారు. కార్యక్రమంలో బి.ఎ.రాజు, కోన వెంకట్, దశరథ్ తదితరులు పాల్గొని చిత్ర విశేషాలను తెలిపారు. సముద్రఖని, సూరి, హరీష్ ఉత్తమన్, మురళీశర్మ తదితరులు నటిస్తున్న ఈ చిత్రానికి మాటలు: వెనె్నలకంటి, కెమెరా: వేల్‌రాజ్, సంగీతం: డి.ఇమ్మాన్, పాటలు: సాహితి, వెనె్నలకంటి, రామజోగయ్యశాస్ర్తీ, చంద్రబోస్, శ్రీమణి, ఎడిటింగ్: యాంథోనీ, నిర్మాతలు: జి.నాగేశ్వర్‌రెడ్డి, ఎస్.నరసింహప్రసాద్, దర్శకత్వం: సుశీంద్రన్.