ఈ మధ్య తెలుగు సినిమాలకు పాత హిట్ సినిమాల టైటిళ్లు పెట్టడం మాములు అయిపోయింది. రీసెంట్ గా ఓ క్లాసిక్ టైటిల్ పేరుతో వచ్చిన సినిమా డిజాస్టర్ గా నిలిచిన సంగతి తెలిసిందే. మంచి క్లాసిక్ టైటిల్ ను చెడగొట్టారని ఆ చిత్ర రచయితలపై సీని విమర్శకులు విరుచుకుపడ్డారు. భవిష్యత్తులో ఇలా పాత హిట్ సినిమా టైటిళ్లను వాడే ముందు కాస్త ఆచితూచీ వ్యవహరిస్తే మంచిదని సలహా ఇచ్చారు. మరి ఇది చెవిన పడిందో లేదో మరో క్లాసిక్ మూవీ టైటిల్ ను ఓ చిత్రానికి వాడేందుకు సిద్ధమైపోతున్నారు.
'ముత్యాల ముగ్గు' అనే టైటిల్ కి ఎంతో ప్రత్యేకత వుందో... మరెంతో ప్రాధాన్యత కూడా ఉంది. బాపు దర్శకత్వంలో వచ్చిన సినిమా చూపిన ప్రభావం అంతా ఇంతా కాదు. ఆ పాటలు, కథే ఇంకా కనులముందు కదలాడుతూ వుంటుంది. రావుగోపాలరావు విలనిజం, ఆయన నోటి నుంచి జాలువారిన డైలాగులు ఇప్పటికీ ఎక్కడో ఒకదగ్గర మనం వింటూ ఉంటాం. అలాంటి టైటిల్ తో మళ్లీ ఓ సినిమా రాబోతుందని సమాచారం. లౌక్యం, సౌఖ్యం చిత్రాలను అందించిన భవ్య క్రియేషన్స్ 'ముత్యాల ముగ్గు' పేరుతో టైటిల్ ను రిజిస్టర్ చేయించారు.
గతంలో గోపీచంద్ హీరోగా గతంలో శౌర్యం, వాంటెడ్, లౌక్యం, సౌఖ్యం చిత్రాలు ఈ బ్యానర్ పైనే నిర్మించబడ్డాయి. వైవిధ్యభరితమైన చిత్రాలుగా ఇవి గోపీచంద్ అభిమానులను ఆకట్టుకున్నాయి. తాజాగా 'ముత్యాల ముగ్గు' పేరును వాడుకుంటున్నారు. అయితే ఈ కథ గోపీచంద్ కోసమేనా లేక మరేయితర హీరోతో అయినా తీస్తారా అన్నది తెలియాల్సి ఉంది. దర్శకుడు మిగతా సాంకేతిక వివరాలను త్వరలో విడుదల చేయనున్నట్లు సమాచారం.
.jpg)
