‘అబ్బాయితో అమ్మాయి’ టీజర్ ఆసమ్

మన తెలుగులో సినీ బ్యాక్ గ్రౌండ్ లేకుండా ఎదుగుతున్న హీరోల్లో నాగశౌర్యను ప్రధానంగా చెప్పుకోవచ్చు. ఈ కుర్రాడికి అమ్మాయిల ఫాన్ ఫాలోయింగ్ విపరీతంగా ఉంది. మొదటి సినిమా చందమామ కథలు అయినప్పటికీ రెండవ సినిమా రొమాన్స్, కామెడీ ఉన్న ఊహలు గుసగుసలాడే ముందుగా రిలీజ్ అయ్యి అందరి దృష్టిలో మంచి పెర్ఫార్మెన్స్ ఇవ్వగల కుర్రాడిగా పడిపోయాడు. అతని ఐదేళ్ళ కష్టానికి ఫలితం ఇప్పుడు దక్కుతోంది. ప్రస్తుతం నాగశౌర్య, పాలక్ అల్వాని జంటగా జె.జి.సినిమాస్, కిరణ్ స్టూడియోస్ పతాకంపై రమేష్ వర్మ దర్శకత్వంలో ‘అబ్బాయితో అమ్మాయి' సినిమాలో నటిస్తున్నాడు. వందన అలేఖ్య జెక్కం, కిరీటి, శ్రీనివాస్ సంయుక్తంగా రూపొందిస్తున్న ఈ చిత్రం ఆడియో త్వరలో విడుదలకు సిద్ధమవుతోంది. 
అయితే విడుదల చేసిన ఈ ఆడియో టీజర్ ఎంత బాగుందంటే... ఫొటోగ్రఫీ సూపర్ అండీ. ఇళయరాజా సంగీత దర్శకత్వంలో రూపొందే ఈ చిత్రంపై నాగశౌర్య మంచి నమ్మకంతో ఉన్నాడట. ఈ సినిమా ఫస్ట్ లుక్ నుంచీ ఓ ప్రత్యేకమైన సినిమాగా అందరి దృష్టిలో పడిపోయింది. ఇప్పుడు టీజర్ తో మరింత రెస్పాన్స్ వస్తుందనిపిస్తోంది…  అంతకు ముందు రిలీజైన టీజర్ కూడా చాలా బాగుంది.  అయితే ఈ చిత్రం కథ విన్న వెంటనే నాగశౌర్య బాగుంటాడని నిర్మాతలు నాగశౌర్య బాగుంటాడని ఆయన డేట్స్ కోసం ఎదురు చూడ్డం గురించి నాగశౌర్య చాలా ఎగ్సైటింగ్ గా ఎమోషనల్ గా ఫీల్ అయ్యాడు. ఎందుకంటే తను హీరో అవడానికి పడ్డ కష్టం అలాంటిది. ఇది ఓ అందమైన ప్రేమకథ కాగా దీనికి ఇళయరాజా సంగీతం అందించడంపై జనాల్లో ఎక్స్ పెక్టేషన్స్ బాగా పెరిగిపోయాయి. బ్రహ్మానందం, రావు రమేష్, మోహన్, ప్రగతి, తులసి తదితరులు నటిస్తున్న చిత్రానికి సాహిత్యం : రెహమాన్, ఛాయాగ్రహణం : శ్యామ్ కె నాయుడు, ఎగ్జిక్యూటివ్ నిర్మాత : మురళికృష్ణ, నిర్మాతలు : వందన అలేఖ్య జక్కం, కిరీటి పోతిని, శ్రీనివాస్ సమ్మెట.