సోషల్ మీడియా పుణ్యమాని లేనిది ఉన్నట్లు, ఉన్నది లేనట్లు సృష్టించేస్తున్నారు కొందరు ఆశావాహులు. పనిలో పనిగా సెలబ్రిటీలను లేనిపోని విషయాల్లో ఇరికిస్తూ వారిని ఇబ్బందుల పాలు చేస్తున్నారు. ఆ టైంలో ఆ వార్తలో ఎంత వరకు నిజనిజాలు ఉన్నాయన్నది పక్కనపెట్టి కేవలం పాపులర్ అయితే చాలు అని అనుకుంటున్నారు. తాజాగా ఓ వ్యక్తి అత్యుత్సాహంతో ఓ స్టార్ కమెడియన్ ను ఇబ్బందుల్లోకి నెట్టిన ఘటన ఇక్కడ చూద్దాం.
విషయంలోకి వెళ్లితే కమెడియన్ చంటి జబర్దస్త్ కార్యక్రమం ద్వారా చలాకీ చంటిగా బాగా పాపులర్ అన్న సంగతి తెలిసిందే. ఇటీవల ఖమ్మం జిల్లా ఇల్లెందుకు చెందిన ఓ వ్యక్తి తన ఫేస్ బుక్ ఖాతాలో ఈ కామెడీ నటుడు యంగ్ రెబల్ స్టార్ ప్రభాస్ ను తిట్టినట్లుగా ఓ పోస్ట్ చేశాడు. అంతే అది చూసి మండిపోయిన ప్రభాస్ ఫ్యాన్స్ చంటిపై ఉవ్వెత్తున్న లేచారు. చెప్పుకోలేని భాషలో చంటిని బూతులు తిడుతూ పోస్ట్ లు చేశారు.
ఈ ఘటనతో కలత చెందిన చంటి ఇల్లెందు పోలీస్ స్టేషన్లో సదరు వ్యక్తిపై ఫిర్యాదు చేసినట్లు సమాచారం. ఇక పోలీసులు వ్యక్తిని అదుపులోకి తీసుకోగా తాను దానిని అది వేరే చోటు నుంచి కాపీ పేస్ట్ చేశానని వివరించాడట. దీంతో పోలీసులు అతన్ని మందలించి వదిలేసినట్లు సమాచారం. మొత్తం మీద ఈ వ్యవహారంలో ప్రభాస్ ఫ్యాన్స్ చేత బండ బూతులు తిట్టించుకున్న చంటి బకరా అయ్యాడు. సోషల్ మీడియాలో ఇలాంటి పోస్ట్ లు చేసి అనవసరంగా మమల్ని ఇబ్బందుల్లోకి నెట్టి మీరు ప్రాబ్లమ్స్ కొనితెచ్చుకోకండి ఫ్రెండ్స్ అని కొరుతున్నాడు.
.jpg)
