సుంకర మధుమురళి సమర్పణలో కేఎస్వీఫిలింస్ పతాకంపై వస్తున్న కొత్త చిత్రం హితుడు. ఈ చిత్రంలో జగపతి బాబు, మీరా నందన్ ముఖ్య పాత్రల్లో నటిస్తున్నారు. విభిన్న కథతో వస్తున్న ఈ చిత్రం పోస్ట్ ప్రొడక్షన్ పూర్తి చేసుకొని సెన్సార్ సర్టిఫికెట్ కోసం ఎదురు చూస్తోంది. ఈ చిత్రం విడుదల చేసేందుకు నిర్మాత కెఎస్వీ సన్నాహాలు చేస్తున్నారు. ఈ సందర్భంగా ఆయన మాట్లాడుతూ, ‘‘ఇది సందేశాత్మక చిత్రంతో పాటు ఒక కమర్షియల్ చిత్రంగా రూపొందించాం. ఆడియో 27న రిలీజ్ చేసి, సినిమా జనవరిలో విడుదల చేయడానికి ప్లాన్ చేస్తున్నాం’ అన్నారు. దర్శకుడు విప్లవ్ మాట్లాడుతూ, విద్య ద్వారా వ్యవస్థలో మార్పు తీసుకురావాలని పరితపించే ఆదర్శ విలువలు కలిగిన సీతారామ్ పాత్రలో జగపతి బాబు జీవించారు. మంచి సందేశంతో పాటు ఎంటర్టైన్మెంట్ ఉంటుంది ఈ చిత్రంలో’’ అన్నారు. చిత్రానికి కోటి సంగీతాన్ని అందించారు. లిరిక్స్ అనంత్ శ్రీరామ్ రాశారు.
.jpg)
