జయప్రద తిరిగి తెరమీదకు రాబోతోంది. అది కూడా ఓ దయ్యం పాత్రలో... ఒకప్పుడు తన అందంతో, అభినయంతో ప్రేక్షకుల మనసు దోచుకున్న జయప్రదకు ఇప్పటికీ అంతే క్రేజ్ ఉందంటే ఆశ్చర్యం కలుగుతుంది. ఆమెను ప్రేక్షకులే కాదు, ఆమె తరువాత వచ్చిన యువ హీరోలు కూడా ఆమెతో సినిమా చేయాలనే కోరికను బయట పెట్టారు. ముఖ్యంగా బాలీవుడ్ ను కూడా ఏలిన జయప్రద ఆ తర్వాత రాజకీయంగానూ రాణించారు. అయితే బాలీవుడ్ లో రాజో సినిమాలో నటించిన జయప్రద ఇప్పుడు మాత్రం ఓ రాణి పాత్రలో నటించబోతోంది. రెండేళ్ల తర్వాత మళ్లీ కెమెరా ముందుకు వస్తోంది. సంజయ్ శర్మ దర్శకత్వంలో వస్తున్న ఈ సినిమాలో ఓ ప్రధాన పాత్ర పోషించబోతోంది. యువ రాణిగా చాలా సినిమాల్లో జయప్రద తన అందంతో అలరించింది. ఈ సినిమాలోనూ రాణీగా కనిపిస్తోంది. ఈ సినిమా షూటింగ్ దాదాపుగా మలేషియా, శ్రీ లంక, నేపాల్ దేశాలలో తెరకెక్కించబోతున్నారు. అయితే జయప్రదతో పాటు నటించిన హీరోయిన్లందరూ ఇప్పుడు తల్లి పాత్రల్లో సెటిలై పోయారు. కానీ జయప్రద ఇప్పటికీ తన డ్రెస్సింగ్ లో ఏ మార్పూ లేకుండా ముదురుతనం ఛాయలు కనపడనీయకుండా చాలా జాగ్రత్త పడుతుంటుంది!
.jpg)
