సూర్య సతీమణి ప్రముఖ నటి జ్యోతిక ‘36వయదినిలే’ చిత్రం ద్వారా మళ్లీ సినిమాల్లోకి రీ ఎంట్రీ ఇచ్చిన విషయం అందరికీ తెలిసిందే. రోషన్ అండ్రెవ్స్ దర్శకత్వంలో తెరకెక్కుతున్న ఈ చిత్రాన్ని హీరో సూర్య తన సొంత బ్యానరైన 2డి ఎంటర్ టైన్మెంట్ లో నిర్మించారు. ఈ చిత్ర ఆడియో విడుదల కార్యక్రమం సోమవారం అట్టహాసంగా జరిపారు. ఈ కార్యక్రమంలో జ్యోతిక చాలా ఎమోషనల్ అయ్యారు. ఇన్నాళ్ళ తర్వాత మళ్లీ సినిమాల్లో నటించడం చాలా ఆనందంగా వుందన్నారు. ఈ సినిమాకు పనిచేసిన వారందరికీ ఆమె కృతజ్ఞతలు తెలిపారు. ఈ సినిమా నిర్మాత, తన భర్త సూర్య గురించి ఏమని చెప్పాలి. నా కలలను, ఆశయాలను ప్రోత్సహించడానికి సూర్య ఏమాత్రం వెనకాడరు. ఆయన్ను భర్తగా పొందడం నా అదృష్టం అని ఆనందంతో ఎమోషనల్ అయ్యారు. అలాగే సూర్య మాట్లాడుతూ... తనను కలిసే అభిమానులెప్పుడూ ‘జ్యోతిక మళ్లీ ఎప్పుడు నటిస్తారు’ అంటూ అడిగేవారనీ, మంచి సినిమా అయితేనే జ్యోతిక చేయాలనుకుందని, ‘36 వయదినిలే’ కరెక్ట్ సినిమా అని అనిపించి ఈ చిత్రం చేయడం జరిగిందని చెప్పుకొచ్చాడు. అలాగే హీరో కార్తీ మాట్లాడుతూ... చాలా సంతోషంగా వుంది. ఈ సినిమా ఎప్పుడు విడుదలవుతుందా అని ఆతృతగా ఎదురుచూస్తున్నాను. మా వదిన జ్యోతికకు నేను పెద్ద అభిమానిని అంటూ సరదాగా మాట్లాడాడు.
.jpg)
