ఈ మధ్య వచ్చిన మల్టీస్టారర్ మొదటి సినిమా అంటే సీతమ్మ వాకిట్లో సిరిమల్లె చెట్టు అని చెప్పొచ్చు. మల్టీస్టారర్ మూవీల్లో కొన్ని ఇబ్బందులున్నా... నెమ్మదిగా ఊపందుకుంటున్నాయి. విక్టరీ వెంకటేష్, మహేష్ బాబులు ప్రధాన పాత్రలలో నటించిన బ్లాక్ బస్టర్ హిట్ చిత్రాన్ని శ్రీ వెంకటేశ్వర క్రియేషన్స్ బ్యానర్లో నిర్మాత దిల్ రాజు నిర్మించారు. అయితే ఈ చిత్రాన్ని ప్రస్తుతం తమిళంలోకి డబ్బింగ్ చేసి విడుదల చేయడానికి సన్నాహాలు చేస్తున్నారు. ఈ చిత్రాన్ని తమిళంలో ‘ఆనందం ఆనందమే’ పేరుతో డబ్బింగ్ చేసి విడుదల చేయనున్నారు. నిజానికి తెలుగులో విడుదలైన కొద్ది రోజులకే తమిళంలో కూడా డబ్బింగ్ చేసి విడుదల కావాల్సింది. కానీ కొన్ని అనివార్య కారణాల వల్ల వాయిదా వేస్తూ వచ్చారు. ప్రస్తుతం తమిళంలో ఈ ‘ఆనందం ఆనందం’ సినిమా విడుదలకు సిద్దమవుతోంది. ఈ సినిమా ఫామిలీ ఎంటర్టైన్మెంట్ కావడం... అందరూ పెద్ద స్టార్లు ఉండడంతో అక్కడ కూడా ఈ చిత్రం బాగా హిట్ అవుతుందని అంచనా వేస్తున్నారు.
.jpg)
