కమల్ కూ తప్పని ప్రమోషన్ తిప్పలు!

యూనివర్శల్ నటుడు కమల్ హాసన్ నటించిన ‘చీకటి రాజ్యం’ విడుదల కు సిద్ధమైంది. ఆయన సినిమాల్లో ఏదో ప్రత్యేక ఉంటుందనీ తెలుసు... కష్టపడి కొత్తగా చేస్తాడనీ తెలుసు... కానీ ఇటీవల కాలంలో ప్రమోషన్ వర్క్ లేందే సినిమాలు ఆడని పరిస్థితి ఏర్పడింది. అందుకే ఈ నటుడికీ ఈ ప్రమోషన్ తిప్పలు తప్పలేదు. అందుకే చీకటి రాజ్యం ప్రమోషన్ కోసం హైదరాబాద్ కు వచ్చేశారు. ఇప్పటికే తమిళ్ వెర్షన్ తుంగావనం ప్రచారంతో ఊదర గొట్టేసిన కమల్ హాసన్ హైదరాబాద్ పార్క్ హయత్ స్టార్ హోటల్ లో తిష్టవేశారు. ప్రమోషన్ లో భాగంగా ఈయన ఈరోజు ప్రసాద్ లాబ్స్ లో ట్రైలర్లు సహా వీడియోస్ చూపించి తన సినిమాకు ప్రచార జోరు మొదలు పెట్టేశారు. ఇక ఈ సినిమా గురించి చెప్పుకుంటూ... ఇది యాక్షన్ సస్పెన్స్ థ్రిల్లర్ అనీ... అందరికీ బాగా నచ్చతుందనీ చెపుతూ... కొంత తన సినిమా అనుభవాలు, పని చేసిన తీరు చెప్పుకొని, ఈ చిత్రానికి దర్శకత్వం వహించిన రాజేష్ గురించి చెపుతూ చాలా కష్టపడ్డడనీ, దర్శకుడిగా తన సత్తా చాటుకుంటున్నాడని అన్నాడు. ఇక తన సినిమా గురించి కూడా చెపుతూ... ఈ ప్రమోషన్ తనకే కాస్త ఓవర్ గా అనిపించిందేమో... ఎంత యాక్టింగ్ తెలిసినా...  ఈ యాక్టింగ్ తెలియడం లేదు (ఊదరగొట్టడం) ..అంటూ నవ్వారు.
ఇంతకు ముందే రాజ్ కమల్ ఇంటర్నేషనల్ ఫిలింస్ లో ఒక తెలుగు సినిమా చేస్తానన్న మాట ఇచ్చారు. అదే విషయం మళ్ళీ ప్రస్తావిస్తూ.... తెలుగు తమిల్ ద్విభాషా చిత్రాన్ని త్వరలోనే ప్రారంభించబోతున్నామని కమల్ హాసన్ తెలిపారు. చీకటి రాజ్యం నవంబర్ లో విడుదలకు సన్నాహాలు చేస్తున్నారు. ఈ సినిమాలో కమల్ సరసన త్రిష నటిస్తోంది.