అనుకున్నట్లుగా రిలీజ్ చేస్తే ‘కంచె’ సినిమా విడుదల మరి రెండు రోజుల్లో అయిపోయేది. కానీ ఎందువల్లో నెల రోజులు వాయిదా వేస్తున్నట్టు ప్రకటించారు. వాయిదాకు కారణాలు హీరోగానీ, డైరెక్టర్ గానీ తెలియజేయలేదు. ఈ లోగా ‘కంచె’ సెన్సార్ రిపోర్టు బయటికి వచ్చింది. ఈ సినిమాకు ‘యు/ఎ’ సర్టిఫికెట్ ఇచ్చేశారు సెన్సార్ అధికారులు. సినిమా చాలా బాగుందని.. అద్భుతమైన క్వాలిటీతో తీశారని యూనిట్ సభ్యుల్ని అభినందించారట సెన్సార్ అధికారులు. సెన్సార్ కూడా పూర్తయ్యిందంటే ఈ సినిమా రిలీజ్ కు సిద్ధంగా ఉన్నట్టే లెక్క అంటే. నవంబరు 6న ఈ సినిమా రిలీజ్ చేస్తున్నట్టు ప్రకటించారు.
తెలుగు సినీ పరిశ్రమలో తొలిసారిగా రెండో ప్రపంచ యుద్ధం నేపథ్యంతో తీసిన ఈ సినిమా ట్రైలర్ విడుదలైనప్పటి నుండే అంచనాలు బాగా పెరిగి పోయాయి. వరుణ్ తేజ్ సైనికుడుగా ఇందులో కనిపించడంతో క్రిష్ ఈ చిత్రంలో తన నటనను వెలికి తీశాడని చిత్ర యూనిట్ చెబుతోంది. వరుణ్ తో ప్రజ్ఞ జైస్వాల్ హీరోయిన్ గా చేస్తోంది. తెలుగులో అభిజిత్ సరసన ‘మిర్చి లాంటి కుర్రాడు' సినిమాలో నటిచింది.
.jpg)
