ఏ మాత్రం టచ్ లేని ఫీల్డ్ కు వచ్చిందట కంగన రనౌత్. మరి ఈ సినీ మాయా లోకంలోకి ఎంట్రీ ఇచ్చిన ఆడపిల్లకు ఎలాంటి కష్టాలు ఎదురవుతాయో అందరూ ఊహించుకోవచ్చు. ఒక్క ఛాన్స్... ఒకే ఒక్క చాన్స్ అంటూ ఎన్ని ఆఫీసుల చుట్టు తిరిగిందో ఈ అమ్మడు. ఇప్పుడయితే గాలి బండ్లలో తిరుగుతోంది గానీ, అప్పుడు బస్సులు, ఆటోలే నట. తను ఓ మోస్తరు మిడిల్ క్లాస్ కుటుంబంలో పుట్టిందిగానీ, సినిమాల్లో చేస్తానంటే ఒప్పుకోరు కదా... ఫామిలీ నుంచి పెద్దగా సపోర్ట్ అందకపోతే అమ్మాయిలు అంత పెద్ద సిటీలో ఎలా నెగ్గుకు రాగలరు? ఒకానొక సమయంలో ఆఫీసుల చుట్టూ తిరిగి తిరిగి అలిసిపోయి పేవ్ మెంట్ మీద కూడా నిద్రపోయిందట. నమ్మశక్యంగా లేదు కదా... కానీ నిజమంటోంది కంగన. ఆమె అలా పిచ్చి పట్టినట్టు సినిమా ఛాన్స్ ల కోసం తిరుగుతుంటే గాలిజనం ఊరుకుంటారా? ఈ అమ్మడిని గమనించిన ఆకతాయిలు వెంట పడ్డారట.. ఒకానొక సమయంలో పోలీస్ కేసులు కూడా పెట్టిందట. అవమానాలు... అపవాదులు తప్పలేదు. అయినా ఆత్మ విశ్వాసం సడలకుండా ప్రయత్నించింది. మొదటి సినిమా 2006లో గ్యాంగ్ స్టర్ లో ఛాన్స్ కొట్టింది. చిన్న పట్టణం నుంచి వచ్చి... ఇంత పైకెదిగింది ఈ టాప్ హీరోయిన్... పేవ్ మెంట్ మీద నిద్రపోయిన ఈ అమ్మడు రాష్ట్రపతి నుంచి రెండు జాతీయ ఉత్తమ అవార్డులు అందుకుంటానని అనుకొని ఉండకపోవచ్చు. అప్పుడు సినిమా వాళ్ళ వెంట ఒకే ఛాన్స్... అని కంగన చెప్పులరిగేలా తిరిగితే... ఇప్పుడు వాళ్ళే మాకూ ఒక్క ఛాన్స్ ప్లీజ్... అంటూ కంగన వెంట పడుతున్నారంటే... కంగన దశ ఏ విధంగా తిరిగిందో ఊహించుకోవచ్చు. ఉత్తరాది టాప్ రెమ్యునరేషన్ అందుకుంటున్న స్టార్ హీరోయిన్ కంగన... కొన్ని ఏరియాలకు రిలీజ్ హక్కుల్ని కూడా డిమాండ్ చేస్తున్న వన్ అండ్ ఓన్లీ హీరోయిన్. అయితే ఈ అమ్మడు ఇప్పుడు తన జీవితంపై త్వరలో ఓ పుస్తకం రాయాలనే సంకల్పంతో ఉందట. అప్పుడు ఈ పుస్తకం హక్కులు కొనడానికి ఎంత మంది వెంట పడతారో మరి...?
.jpg)
