టీఆర్ఎస్ అధినేత కేసీఆర్ ముఖ్యమంత్రి అయ్యాక ముద్దుల మనవడు (కేటీఆర్ కొడుకు) హిమాన్షురావు హల్ చల్ మాములుగా లేదు. గతేడాది ఖైరతాబాదులో ఏర్పాటు చేసిన భారీ గణనాథుడి విగ్రహం ప్రతిష్ఠాపన సందర్భంగా హిమాన్షు ఒక్కసారిగా సెంటరాఫ్ అట్రాక్షన్ గా నిలిచాడు. అయుత మహా చండీయాగంలోనూ ఆ బుడతడు హైలెట్. నేషనల్ మీడియాలో కూడా పాపులర్ కావటంతో అందరి నోటా నానాడు. దీంతో కేసీఆర్ పిచ్చ హ్యాపీగా ఫీలయ్యాడు. అంతేందుకు తాజాగా కేసీఆర్ ఢిల్లీ పర్యటనకు వెళ్లిగా, తన తాత లేని టైంలో ఫ్రెండ్స్ ను వేసుకుని ఏకంగా సెక్రటేరియట్ కి వెళ్లి తన తాత ఛాంబర్ తో పాటు అధికారుల కేబిన్లను పరిశీలించాడు. ఇక ఇప్పుడు మరోసారి హాట్ టాపిక్ గా మారాడు.
త్వరలో హిమాన్షు సిల్వర్ స్క్రీన్ పైనా తళుక్కుమననున్నాడుట. అది కూడా హీరోగా! సమాజంలోని దురాగతాలపై ప్రజలను జాగృతం చేసేందుకు యునైటెడ్ నేషన్స్ వరల్డ్ టూరిజం ఆర్గనైజేషన్ (యూఎన్ డబ్ల్యూటీఓ) ‘సూపర్ హార్ట్’ పేరిట ఓ చిత్రాన్ని నిర్మిస్తోంది. ఆరు నుంచి పది నిమిషాల నిడివి ఉండబోతున్న ఈ షార్ట్ ఫిల్మ్ లో ఏసియన్ స్ట్రాంగ్ మ్యాన్ గా పేరుగాంచిన మనోజ్ చోప్రా విలన్ గా నటిస్తుండగా, వివిధ దేశాలకు చెందిన ఏడుగురు చిన్నారులు హీరోలుగా నటిస్తున్నారు. ఈ ఏడు హీరో పాత్రల్లో ఓ పాత్రకు హిమాన్షు ఎంపికయ్యాడు.
యూఎన్ డబ్ల్యూటీఓ షార్ట్ ఫిల్మ్ ఉత్సవంలో భాగంగా ఆదివారం హైదరాబాదులోని ప్రసాద్ ల్యాబ్స్ లో ఈ చిత్ర నిర్మాణం లాంఛనంగా ప్రారంభమైంది. తెలంగాణ ప్రభుత్వ ప్రతినిధి వేణుగోపాలాచారితో పాటు తెలంగాణ పిల్మ్ ఛాంబర్ అధ్యక్షుడు ప్రతాని రామకృష్ణ గౌడ్, మనోజ్ చోప్రా తదితరులు హాజరయ్యారు. అయితే స్వల్ప అనారోగ్యంతో హిమాన్షు ఈ కార్యక్రమానికి హాజరు కాలేకపోయాడు. ఈ చిత్ర షూటింగ్ వచ్చే నెల 22 నుంచి జరిగే చిత్ర నిర్మాణంలో హిమాన్షు పాల్గొననున్నాడు. ఈ చిత్రంలో సూపర్ మ్యాన్ తరహా ఫైట్లు ఉండనున్నట్లు సమాచారం.
.jpg)
