నాటీ, ఫన్నీ, మాస్ హీరో రవితేజా ‘కిక్ 2’ త్వరలో తెరముందుకు రాబోతోంది. ముందుగా చెప్పినట్టుగానే ఈ హీరో పుట్టిన రోజు సందర్భంగా ఈ మూవీ టీజర్‌ని డైరెక్టర్ సురేందర్‌రెడ్డి సోమవారం విడుదల చేశాడు. ఇది విడుదలవ్వడమే తరువాయి ఆడియన్స్ నుంచి మంచి స్పందన వచ్చింది. కేవలం 30 సెకన్ల నిడివిగల ఈ టీజర్‌లో రాజస్థాన్‌లోని జైసల్మీర్‌లో తెరకెక్కించిన క్లైమాక్స్ సీన్లు ఉన్నాయిందులో. క్లిప్పింగ్ సంబంధించి సీన్లు అద్భుతంగా ఉన్నాయని ప్రశంసలు వినిపిస్తున్నాయి. రవి తేజ సినిమాలంటేనే ఆయన గోదావరిభాష డైలాగులకు పెట్టింది పేరు.అలాంటి ఒక్క మాట కూడా వినిపించకుండా మ్యూజిక్‌తో టీజర్ బయటకు రావడంతో కొందరిలో నిరుత్సాహం కనిపించింది. కాకపోతే రవితేజ మార్కు ఈ సినిమాలోనూ బాగానే కనిపిస్తుంది. కల్యాణ్ రామ్ నిర్మాణకత్వంలో తయారువుతున్న ఈ చిత్రాన్ని ఎన్టీఆర్ పుట్టినరోజు(ఈ ఏడాది మే 28)న రిలీజ్ చేయడానికి ప్లాన్ చేస్తున్నారు. ఈ సినిమా తరువాతి షెడ్యూల్ హైదరాబాద్‌లో చేయనున్నట్టు తెలుస్తోంది. రవితేజ సరసన రకుల్ ప్రీతిసింగ్ హీరోయిన్ గా నటిస్తోంది.
.jpg)
