సురేందర్ రెడ్డి డైరెక్షన్ లో రెడీ అవుతున్న కిక్ సీక్వెల్ కిక్ 2 లో స్టంట్స్ లో స్పెషల్ ఎఫెక్ట్స్ చూపించబోతున్నారట. అన్ని కార్యక్రమాలు పూర్తి చేసుకొని మొదటి కాపీ సిద్ధంగా ఉందంటున్నారు. ఈ సినిమా ఆగస్టు 21న ప్రపంచవ్యాప్తంగా విడుదల చేయబోతున్నారు. ఇప్పుడు ఈ సినిమాకు ప్రమోషన్ వర్క్ ఊపందుకుంది. కిక్ సినిమాలో మాదిరిగానే ఈ సినిమాలో కామెడీ బాగా ఉంటుందంటున్నారు. యాక్షన్ కూడా బాగా కిక్ ఇచ్చేలా ఉందంటున్నాడు రవి తేజ. అవి రెగ్యులర్ గా సినిమాల్లో కనిపించేవి కాదట, టాలీవుడ్ లో ఇలాంటి స్టంట్స్ మునుపెన్నడూ చూడలేదని, ఆ స్టంట్స్ ఆడియన్స్ ని థ్రిల్ చేస్తాయని అంటున్నారు. అయితే ఈ సినిమాలో ‘కిక్ సినిమాలోని రవితేజ వారసుడిగా కిక్ 2 లో కనిపిస్తాను. ఒక మిషన్ మీద ప్రయాణం మొదలెట్టిన కుర్రాడి కథ. ఈ సినిమాలో నా పాత్ర ఎంత కొత్తగా ఉంటుందో, అదే విధంగానే కొత్త తరహా స్టంట్స్ ని డిజైన్ చేసాం. ఇలాంటి స్టంట్స్ ని ఇంత వరకూ ఏ తెలుగు సినిమాలో చూడలేదు’ అంటున్నాడు రవితేజ. రవి తేజ సినిమాలంటేనే కామెడీ లేకుండా ఉండవు. ఆయన విక్రమార్కలో సీరియస్ గా ఉన్నా ఇంకొక క్యారెక్టర్ లో కామెడీ కుమ్మేశాడు. ఈ విషయం ఆడియన్స్ అందరూ ఎక్స్ పెక్ట్ చేసేదే. రవితేజ సరసన రకుల్ ప్రీత్ సింగ్ హీరోయిన్ గా నటించిన ఈ సినిమాని ఎన్.టి.ఆర్ ఆర్ట్స్ బ్యానర్ పై కళ్యాణ్ రామ్ నిర్మించాడు. ఎస్ఎస్ తమన్ మ్యూజిక్ అందించాడు.
.jpg)
