అమెరికాలో కీరవాణి సంక్రాంతి సందడి

పండుగలకు కొన్ని ప్రత్యేక వేడుకలకు అమెరికాలోని మన తెలుగు అసోసియేషన్ వారు సంగీత, నాట్య బృందాలను సినిమా కళాకారులను ఆహ్వానించే ఆనవాయితీ బాగా పెరిగిపోయింది. కొందరు కళాకారులకు సినిమా ఛాన్సుల కోసం వెతుక్కునే అవకాశం కూడా లేని తీరిక లేక విదేశాల్లో ప్రోగ్రాములు ఇచ్చేస్తున్నారు. అలా ఇప్పుడు సథరన్ కాన్సెప్ట్స్ఐ ఎన్ సి సంస్థ అమెరికాలోని కొన్ని ప్రాంతాల్లో మెలోడీ కింగ్ కీరవాణి చేత ప్రదర్శనలు ఇప్పించనున్నారు. సంక్రాంతి కానుకగా అమెరికా లో ఉండే తెలుగు వారిని అలరించడానికి కీరవాణి అండ్ టీం జనవరి 13 నుండి జవరి 30 వరకు అమెరికాలో పలు చోట్ల తమ పాటల ప్రోగ్రాం నిర్వహిస్తున్నారు.
గతంలో రెండు సార్లు న్యాట్స్ సంస్థ ఆహ్వానం మేరకు కీరవాణి అమెరికాకు వెళ్లి ప్రదర్శనలిచ్చారట. అదే విధంగా ఈ సారి సథరన్ కాన్సెప్ట్స్ఐ ఎన్ సి సంస్థ ఆహ్వానం మేరకు జనవరిలో అమెరికా వెళ్తున్నట్టు చెప్పారు కీరవాణి. ఈ కార్యక్రమాల్లో కొత్త పాటలనుపాత పాటలను మిక్స్ చేసి పాడనున్నామని తెలిపారు. ఇనగంటి సుందర్ బాహుబలి సినిమాలో మూడు పాటలు రాసారు. మ్యూజికల్ నైట్స్ లో తమకు ఇష్టమైన పాటను వినడానికి ప్రేక్షకులు ఇనగంటి సుందర్ కు ట్విట్టర్ ద్వారా తెలియజేస్తే ఆ పాటను వినిపించడానికి ప్రయత్నిస్తామని తెలిపారు. ఈ ప్రోగ్రాములు కీరవాణి పాటలే కాకుండా చక్రవర్తి ఇళయరాజా సంగీతం అందించిన పాటలను కూడా వినిపిస్తారట.