సుధీర్ బాబు-నందిత జంటగా తెరకెక్కిన ఫీల్ గుడ్ లవ్ స్టోరీ ‘కృష్ణమ్మ కలిపింది ఇద్దరినీ’. ఈ చిత్రానికి రోజురోజుకీ ఆదరణ పెరుగుతోందంటున్నారు నిర్మాతలు శిరీషశ్రీధర్. జూన్ 10 న విడుదలైన ఈ సినిమాకు ఫ్యామిలీ ఆడియన్స్ నుంచి మంచి స్పందన వస్తోంది. ఈ సందర్భంగా చిత్ర యూనిట్ మంగళవారం హైదరాబాద్‌లో సక్సెస్ మీట్ ఏర్పాటు చేశారు. ఈ సమావేశంలో
చిత్ర నిర్మాత లగడపాటి శ్రీధర్ మాట్లాడుతూ, ‘‘ఇదొక నిజాయితీతో కూడుకున్న ప్రేమ కథా చిత్రం. ఇలాంటి ప్రేమ కథలను చూసి దాదాపు ఇరవై సంవత్సరాలు అయింది. సుధీర్ బాబునందిత యాక్టింగ్ ఈ చిత్రానికి హైలెట్‌గా నిలిచింది. ఈ సినిమాను విజయవంతం చేసినందుకు గానూ ప్రతి ఒక్కరికి థ్యాంక్స్’’అని చెప్పారు.
హీరో సుధీర్ బాబు మాట్లాడుతూ ‘‘ఈ సినిమా హిట్ అయినందుకు నాకు చాలా ఆనందంగా ఉంది. ఓ ఆర్టిస్ట్ జీవితంలో ఎన్ని హిట్లు వచ్చినా...జీవితాంతం గుర్తిండిపోయే చిత్రం ఒకటి ఉంటుంది. నాకు మాత్రం ఎప్పటికి గుర్తిండిపోయే చిత్రం ఈ కృష్ణమ్మ కలిపింది ఇద్దరినీమహేశ్కి పోకిరీసినిమా ఎలా నిలిచిపోయిందో...నాకు ఈ చిత్రం అలా నిలిచిపోతుంది. ఈ సినిమాలో నా నటన అద్భుతంగా ఉందని మహేశ్ మెచ్చుకోవడం నాకు చాలా ఆనందాన్ని ఇచ్చింది. ఈ చిత్రానికి మంచి విజయాన్ని అందించిన ప్రేక్షకులకు ధన్యవాదాలు అని చెప్పారు.
.jpg)
