హృదయ కాలేయం సినిమాతో ఓవర్ నైట్ హీరో అయిపోయిన సంపూ... మళ్ళీ సింగం 123 తో గర్జించాడు. ఇప్పుడు ‘కొబ్బరి మట్ట' తో ఏం చూపిస్తాడో మరి? ఈ సినిమా ఎప్పుడో మొదలైనప్పటికీ బాహుబలి చిత్రంలోని సీన్ తో కామెడీ చేసేశారు. ‘పుట్టుకతో మీసమున్న వీరుడ’ట సంపూ... రెండు చేతుల్లో సంపూ... ఈయన కోసం గొడుగు, పాలడబ్బా... దండాలు కూడా నీళ్ళ లోంచే... చాలా ఫన్నీగా అనిపిస్తోంది... పోస్టర్... ఈ రోజు కొబ్బరి మట్ట సినిమా మోషన్ పోస్టర్ విడుదలైంది. మనిషిని చూస్తేనే నవ్వు పుట్టించే స్థాయికి ఎదిగిన సంపూర్ణేష్ బాబు మరో చిత్రమైన సినిమాతో తెర మీదకు రాబోతున్నాడు. 'కొబ్బరి మట్ట'. 'ది లీవ్స్ ఆఫ్ ఎ ఫ్యామిలీ మ్యాన్' అనేది సబ్ టైటిల్. ఇందులో సంపూర్ణేష్ బాబు పెదరాయుడు మోహన్ బాబు ను పోలి ఉన్నట్టు కనిపిస్తోంది. మంచువారే ఈయనతో సింగం 123 తీశారు. ఇప్పుడు వారి స్పూఫ్ తో మరో సినిమాకు రెడీ అయ్యాడు. ఈ చిత్రంలో సంపూర్ణేష్ బాబు త్రిపాత్రాభినయంతో ఇరగదీయబోతున్నాడట. పాపారాయుడు, పెదరాయుడు, ఆండ్రాయిడ్ అనే మూడు పాత్రలు పోషించబోతున్నాడట. తన తొలి సినిమా విడుదల కాకముందే రెండో సినిమాకు రెడీ అయ్యాడు సంపూర్ణేష్. మరి ఈ సినిమా హృదయ కాలేయం లా హిట్ కొడుతుందో లేదో చూడాలి. హృదయకాలేయం చిత్రబృందమే ఈ సినిమాను కూడా నిర్మించారు. దర్శకత్వం రూపక్ రొనాల్డ్ రాస్, నిర్మాత ఆది కుంభగిరి, సాయిరాజేశ్ నీలం, కథ, స్క్రీన్‌ప్లే-మాటలు స్టీవెన్ శంకర్.
.jpg)
