నిఖిల్ సినిమాలే కాదు, ఫస్ట్ లుక్ కూడా చాలా డిఫరెంట్ గా చూపించారు. ‘స్వామిరారా, కార్తీకేయ, సూర్య వర్సెస్ సూర్య' చిత్రాలతో విభిన్నమైన శైలిని చూపిస్తున్న ఈ హీరో ఇప్పుడు శంకరాభరణం ఫస్ట్ లుక్ కూడా చాలా వెరైటీగా చూపించారు. నిఖిల్ ఇప్పుడు ‘శంకరాభరణం' అనే చిత్రంలో నటిస్తున్న విషయం తెలిసిందే. ఈ చిత్రానికి కోన వెంకట్ రైటర్ కాగా, ఉద‌య్ నంద‌న‌వ‌నం ద‌ర్శకుడిగా ప‌రిచ‌య‌మ‌వుతున్నారు. ఈ చిత్రం ఫస్ట్ లుక్ ని ఈ రోజు కోన వెంకట్ తన సోషల్ నెట్ వర్కింగ్ సైట్ ద్వారా విడుదల చేసారు. ‘శంకరాభరణం' అనే లోగో, హీరో హీరోయిన్లు నిఖిల్, నందితలు పరిగెడుతుంటే వెనక కొంతమంది రౌడీలు వెంటపడడం... పోస్టర్ తోనే ఓ క్యూరియాసిటీని క్రియేట్ చేశారు. బీహార్ నేపథ్యంలో సాగే మరో సరికొత్త క్రైం కామెడీ ఇది. ఈ సినిమాకు ‘శంకరాభరణం' అనే టైటిల్ పెట్టిన తీరే చాలా ఆసక్తి కలిగించింది. తెలుగులో స్టార్ రైటర్‌గా వెలుగొందుతున్న కోన వెంకట్ ఈ సినిమాకు స్క్రిప్ట్ సమకూర్చడంతో పాటు సహ నిర్మాతగానూ వ్యవహరించడంతో సెట్స్‌పైకి వెళ్ళకముందే ఈ కాంబినేషన్‌పై అంచనాలు ఏర్పడ్డాయి. నార్త్ ఇండియాలోని సినిమా కథకు సరిపోయే పలు లొకేషన్లను ఈ మధ్యే ఎంపిక చేశారు. ఈ చిత్రం షూటింగ్ సోమవారం ఉదయం (15జూన్) మొదలైనట్టు కోన వెంకట్ తెలిపారు.
.jpg)
