కొరటాల శివ శ్రీమంతుడు తరువాత ఎన్టీఆర్ సినిమాకు ఫిక్స్ అయిన విషయం తెలిసిందే. ఈ సినిమాను ‘నాన్నకు ప్రేమతో’ షూటింగ్ ముగించుకున్న తరువాత మొదలు పెట్టాలనుకున్నారు. కానీ ఆ సినిమా ఫారిన్ షెడ్యూల్ కొద్దిగా లేట్ అవడంతో ఎన్టీఆర్ టైమ్ కుదురుతున్నందున మైత్రీ మూవీ మేకర్స్ వారు ఈ ఆదివారం తమ చిత్రానికి టెంకాయ కొట్టేసుకుంటున్నారు. మహేష్ శ్రీమంతుడు చిత్రంతో ఫిల్మ్ ప్రొడక్షన్ లోకి ప్రవేశించిన మైత్రీ మూవీ మేకర్స్ వారు కొరటాల శివ తోనే తమ తదుపరి చిత్రం కూడా ఓకే చేసేసుకున్నారు. ఇప్పటికే ఎన్టీఆర్ ఈ ప్రాజెక్టుకి సైన్ చేసాడు కూడా. ఈ సంస్ద ఆఫీస్ లోనే ఈ చిత్రం పూజా కార్యక్రమాలు జరుపుకోనున్నారు. జనవరి నుంచి రెగ్యులర్ షూటింగ్ మొదలు కానుంది. నిజానికి రామయ్యావస్తావయ్యా చిత్రం తర్వాత కొరటాల శివ దర్శకత్వంలో ఎన్టీఆర్ నటించాల్సి ఉందట. అయితే ఈలోపు పూరి జగన్నాథ్ దర్శకత్వంలో ఎన్టీఆర్ టెంపర్ సినిమా అంగీకరించడం, మహేశ్ హీరోగా శ్రీమంతుడు చిత్రానికి కొరటాల శివ కమిట్ అవడంతో ఈ కాంబినేషన్ వాయిదా పడింది. తాజాగా ఎన్టీఆర్ కోసం కొరటాల అద్బుతమైన స్టోరీ సిద్ధం చేసి ఓకే చేయించాడనీ, ఇప్పుడు ఆ కథకు మెరుగులు దిద్దుతున్నట్టు తెలుస్తోంది. కొరటాల అంతకు ముందు ‘బృందావనం, ఉసరవెల్లి' చిత్రాలకు మాటలు రాశారు.
.jpg)
