లచ్చిందేవి ఆడియో రేపు

క్రైమ్ కామెడీతో రూపుదిద్దుకున్న మరో సినిమా లచ్చిందేవికి ఓ లెక్కుంది. ‘అందాల రాక్షసి’ సినిమా జంట నవీన్ చంద్ర లావణ్య త్రిపాఠి మళ్ళీ హీరోహీరోయిన్లు ఈ సినిమాలో నటించారు. అయితే రాజమౌళి దగ్గర అసిస్టెంట్ గా పని చేసిన మరో యంగ్ డైరెక్టర్ జగదీశ్ తలసిల ఈ సినిమాకు దర్శకత్వం వహించారు. ఈయన బాహుబలి సినిమాకు కూడా అసిస్టెంట్ గా చేశాడట. క్రియేటివ్ డైరెక్టర్ దగ్గర పని చేసిన అనుభవం ఎక్కడికి పోతుంది అందుకే మొదటి  సినిమా లో అన్నీ క్రియేటివ్ గా చూపించి... అందరి దృష్టినీ ఆకర్షిస్తున్నాడు. ఈ సినిమా పోస్టర్లు డిఫరెంట్ గా ఉండటంతో  సినిమాపై చాలామందిలో ఆసక్తి రేపుతున్నాడు. తన శిష్యుడు తెరకెక్కించిన ఈ మూవీ ఆడియోను స్వయంగా రాజమౌళి రిలీజ్ చేయబోతుండటంతో ఈ సినిమాపై ఆడియెన్స్ ఇంట్రెస్ట్ కూడా పెరగటం ఖాయమని ఇండస్ట్రీ వర్గాలు భావిస్తున్నాయి. ఇక ఇందులోని ఓ పాటను నిన్న ఎఫ్ఎంలో రిలీజ్ చేశారు. ఈ కార్యక్రమానికి కీరావాణి ముఖ్య అతిథిగా హాజరై పాటను విడుదల చేశారు. ఇక అక్టోబర్‌ 11న 'లచ్చిందేవికి ఓ లెక్కుంది' ఆడియో విడుదల చేయనున్నారు. హైదరాబాద్‌లోని శిల్పకళా వేదికలో 11వ తేది సాయంత్రం 6 గంటలకు ఈ కార్యక్రమాన్ని నిర్వహించనున్నారు. దీనికి సంబంధించిన ఓ పోస్టర్‌ను లావణ్య త్రిపాఠి తన ఫేస్‌బుక్‌ ఖాతా ద్వారా అభిమానులతో పంచుకున్నారు. ప్రసాద్‌ కామినేని నిర్మాతగా వ్యవహరించిన ఈ చిత్రానికి ఎం.ఎం. కీరవాణి సంగీతం అందించారు.