త్వరలో ‘బాహుబలి-2' షూటింగ్ మొదలు కానున్న నేపథ్యంలో కొత్తగా ఈ సినిమాలో నటించే నటీనటుల గురించిన చర్చలు బాగానే జరుగుతున్నాయి. మొదటి భాగంలో భల్లాల దేవ భార్య కనిపించకపోవడంతో... అందులో రానా సింగిల్ గానే కనిపించడంతో... ఈ రోల్ ఎవరు చేయబోతున్నారనే అంశంపై మాట్లాడుకోవడం సహజం. ప్రస్తుతం షూటింగుకు సంబంధించిన ఏర్పాట్లు జరుగుతున్నాయి. తొలి భాగంలో మహిష్మతి రాజుగా భల్లాలదేవ(రానా), అతని కొడుకు పాత్రలో అడవిశేష్ కనిపించారు. ఆ పాత్రకు హీరోయిన్ లావణ్య త్రిపాఠిని ఎంపిక చేసినట్లు సమాచారం. ఈ సినిమాలో ఏ చిన్న పాత్ర ఇచ్చినా చాలని పెద్ద పెద్ద హీరోలే భావిస్తున్న తరుణంలో ఈ పాత్ర లావణ్యకు రావడం చాలా అదృష్టంగా భావిస్తోంది. అయితే సినిమాలో ఆ పాత్రకు పెద్దగా ప్రాధాన్యత ఉండదని, ఆ పాత్ర కనిపించేది కూడా తక్కువ సమయమే అని టాక్. లావణ్య త్రిపాఠి మంచి హైటు కావడంతో రానా లాంటి భారీ కాయానికి జోడీగా సరిపోతుందని, అందుకే ఆమెను ఎంపిక చేసినట్లు తెలుస్తోంది.
.jpg)
