కింగ్ ఫిషర్ మెరుపుల అన్ కట్ ట్రైలర్

దర్శకుడు మాధుర్ బండార్కర్ మరో అద్భుతాన్ని తెరమీదకు తేనున్నారు. ఆయన బార్ గర్ల్స్ జీవితంపై 'చాందినీ బార్', మోడలింగ్ రంగంలోని మోడల్స్‌పై 'ఫ్యాషన్', కథానాయికల జీవితంపై 'హీరోయిన్' లాంటి చిత్రాలను తీసి సక్సెస్ చేశారు. ఇప్పుడు క్యాలెండర్ గర్ల్స్ నిజ జీవిత కథల ఆధారంగా మరో సినిమాకు సిద్ధమయ్యారు. వాస్తవ కథలను తెరకెక్కించే దర్శకుడిగా మధుర్‌ భండార్కర్‌కు మంచి పేరుంది. స్విమ్‌ సూట్‌ అందగత్తెలతో మలిచే ‘కింగ్ ఫిషర్' క్యాలెండర్‌ లాంటి వాటి ద్వారా విజయ్ మాల్యా లాంటి వారు తన వ్యాపారానికి ప్రచారం చేసుకోవడం తెలిసిందే. కింగ్‌ఫిషర్‌ క్యాలెండర్‌పై మెరిసిన తరువాతే దీపికా పదుకొనె, కత్రినా కైఫ్‌ వంటి హీరోయిన్లు సినిమా అవకాశాలను అందిపుచ్చుకున్నారు. హాట్ అండ్ సెక్సీగా నవ్వులు చిందిస్తూ క్యాలెండర్లపై కనిపించే అమ్మాయిల జీవితం ఎలా ఉంటుంది అనే విషయం ఈ సినిమాలో ముఖ్యంగా ఫోకస్ చేయబోతున్నారు. ఇప్పటికే విడుదలైన ఫస్ట్ లుక్ పోస్టర్, టీజర్ కు మంచి స్పందన వచ్చింది. తాజాగా ఈ చిత్రానికి సంబంధించిన అన్ కట్ ట్రైలర్ విడుదల చేసారు. ఈ చిత్రంలో ఆకాంక్ష పూరి, అవని మోడి, కైరా దత్, రుహి సింగ్, సటారుప పైనే ముఖ్య పాత్రలు పోషిస్తున్నారు. వీరంతా ఇప్పటికే మోడలింగ్ రంగంలో రాణిస్తున్నా భామలు. హాట్ అండ్ సెక్సీ లుక్స్ తో బికినీలకు పర్‌పెక్టుగా సూటయ్యే, ఫ్యాషనబుల్ బాడీ ఉన్న ఈ ఐదుగురు అమ్మాయిలను దర్శకుడు మధుర్ బండార్కర్ ఏరి కోరి ఎంపిక చేసారు.