మహేష్ మరోసారి నిరూపించుకున్నాడు

స్టార్ డమ్ పెరుగుతున్నా కొద్ది కొందరు స్టార్లు అభిమానుల్ని పట్టించుకోకపోవటం కామన్ గా తయారయ్యింది. ఇంకొందరయితే ఆ స్టార్ డమ్ కోసమే ఫ్యాన్స్ ను దగ్గరకి తీసుకోవటం కూడా మనం చూస్తున్నాం. తమ అభిమాన నటీనటుల పేరిట సేవా కార్యక్రమాలంటూ, రక్తదానాలంటూ అభిమానులు వెర్రి చేష్టలకు దిగుతుంటే చూస్తు ఉంటారు. అలాంటి సమయంలోనే తమ పై అభిమానం చూపే వారిపై అపాయ్యతను కనబరిచే హీరోలు కూడా ఉన్నారు. అలాంటి వారిలో మహేష్ ఎప్పుడూ ముందుంటాడు. ఓవైపు సౌత్ బ్రాండ్ అంబాసిడర్ల జాబితాలో టాప్ పొజిషన్లో కొనసాగుతున్న టైంలో ఒక చిన్న పిల్లల ఆస్పత్రి యాడ్ కోసం పైసా తీసుకోకపోగా, తిరిగి ఓ ట్రస్ట్ కి విరాళం ప్రకటించి ఆశ్చర్యపరిచాడు మహేష్. అలాంటి సూపర్ స్టార్ మరోసారి తన పెద్ద మనసును చాటుకున్నాడు.

                                        తన పుట్టిన రోజు (ఆగష్టు 9న) సందర్భంగా వేడుకల కోసం కేకు కొనటానికి వెళ్తూ ఓ ప్రమాదంలో మరణించిన ఫ్యాన్స్ కుటుంబానికి ఆర్థిక సాయం అందించాడు. ఆ ప్రమాదంలో ఓ వ్యక్తి అక్కడిక్కడే చనిపోగా, మరో వ్యక్తి తీవ్రంగా గాయపడ్డాడు. విషయం తెలుసుకున్న మహేష్ చలించిపోయాడట. వారి వారి కుటుంబాలకు ప్రగాఢ సంతాపం తెలపటంతోపాటు చనిపోయిన వ్యక్తి కుటుంబానికి 2.5 లక్షలు, గాయపడిన వ్యక్తికి లక్ష రూపాయల సాయం అందించాడట. తన పై అభిమానంతో సొంతవాళ్లకు దూరం కావొద్దని ఫ్యాన్స్ కి పిలుపునిచ్చాడట. ఈ శ్రీమంతుడు మరోసారి తాను గుణవంతుడని నిరూపించుకున్నాడు. అన్నట్లు ఈ బుర్రిపాలెం బుల్లోడు త్వరలో ఆ గ్రామాన్ని దత్తత తీసుకునేందుకు సిద్ధమయ్యాడట. ఈ విషయాన్ని తానే స్వయంగా ప్రకటించాడు కూడా.  హ్యాట్సాఫ్ టూ మహేష్.