రాబోయే సమ్మర్ మహేష్ బాబు కెరీర్ లో ఓ ప్రత్యేకం. అవును... టాలీవుడ్ సూపర్ స్టార్ అభిమానులకు వచ్చే ఏప్రిల్ లో డబుల్ ధమాకా ఇచ్చేందుకు సిద్ధమైపోతున్నాడు. ప్రస్తుతం షూటింగ్ దశలో ఉన్న బ్రహోత్సవం ను ఆ టైంలోనే విడుదల చేయడానికి సిద్ధమైపోతున్నారు. కుదిరితే ఏప్రిల్ 8 లేదా కాస్త అటు ఇటుగా రెండో వారం లేదా మూడో వారంలో ఈ చిత్రం ప్రేక్షకుల ముందుకు రానుంది. ముద్దుగుమ్మలు సమంత, కాజల్, ప్రణీతలు ఇందులో హీరోయిన్లు. ఇక సీతమ్మ వాకిట్లో... తర్వాత మహేష్ తో మరో హిట్ కొట్టి తీరాతానని శ్రీకాంత్ అడ్డాల ఫుల్ కాన్ఫిడెంట్ తో ఉన్నాడు.
ఇక ఇదే నెలలో మహేష్ మరో సందడికి సిద్ధమైపోతున్నాడు. మురగదాస్ స్టోరీ లైన్ కి ఓకే చెప్పిన మహేష్ ఆ చిత్రాన్ని కూడా ఏప్రిల్ లోనే ప్రారంభిస్తాడని తెలుస్తోంది. సందేశాత్మక చిత్రంగా ఇది తెరకెక్కనున్నట్లు తెలుస్తోంది. నిజానికి గతంలో తుపాకీ ని తెలుగులో మహేష్ తో రీమేక్ చేయాలని మురగదాస్ భావించాడు. అయితే డేట్స్ కుదరకపోవటంతో దానిని అలాగే డబ్ చేసి వదిలారు. ఈసారి ఓ స్ట్రెయిట్ మూవీతో రావాలని మహేష్ మురగదాస్ కి చెప్పటంతో ఇప్పటికే స్క్రిప్ట్ వర్క్ ను కూడా పూర్తిచేశాడట.
ఈ సినిమాను ఏప్రిల్లో లాంచ్ చేయడానికి సన్నాహాలు చేస్తున్నాడు. బ్రహ్మోత్సవం తెలుగు .. తమిళ భాషల్లో విడుదల కానుండగా, మహేశ్ తో మురుగదాస్ చేసే సినిమా, తెలుగు.. తమిళతో పాటుగా హిందీలోను విడుదల కానుండటం విశేషం. అలా మహేశ్ ఫ్యాన్స్ కి ఏప్రిల్ మాసం ప్రత్యేకంగా నిలవనుంది.
.jpg)
