సెలబ్రిటీలు ఏ విదేశాలకో వెళ్ళాలి తప్ప ఉన్న ఊర్లో ఫ్రీగా జల్సా చేయలేరు కదా... అందుకే హాలీడేస్ టూర్లు విదేశాల్లో ప్లాన్ చేస్తుంటారు సినిమా స్టార్లంతా. ఇక్కడే సరదాగా ఏ హోటల్ కో తీసుకెళదాం అంటే, అభిమానుల బెడద తప్పదు వారికి. అందుకే ఈ మధ్య సామాన్యులు వెళ్ళలేని ఓ ఫేమస్ రెస్టారెంట్ ఒకటి మన సిటీలోనే వెలిసింది... అదే ఫలక్నుమా ప్యాలెస్. ఇటీవల ఈ ప్యాలెస్ లో ప్రముఖులు పార్టీలు చేసుకుంటున్నారు. టాలీవుడ్ సూపర్ స్టార్ కు ఫ్యామిలీతో గడపడం మహా సరదా... అందుకే తన భార్య నమ్రత, పిల్లలు గౌతం, సితారలకు స్పెషల్ ట్రీట్ ఇచ్చారు ఫలక్ నుమా ప్యాలెస్ లో. ఈ మధ్య ఎలైట్ ట్రావెలర్ మ్యాగజైన్ ప్రపంచంలోనే టాప్ రెస్టారెంట్ల కోసం చేసిన ఓ సర్వే ప్రకారం టాప్ రెస్టారెంట్ల జాబితాలో హైదరాబాద్‌లోని ఫలక్నుమా ప్యాలెస్ కూడా చేరిపోయిందని రాశారు. ప్రపంచంలోని టాప్ 100 జాబితాలో ఫలక్నుమా ప్యాలెస్ 100 వ స్థానాన్ని పొందింది. మొదటి సారి ఇండియాలో ఫలక్‌నుమాకు చోటు దక్కింది. దాంతో పాటు న్యూఢిల్లీలోని ఇండియన్ అసెంట్‌ను చూడదగ్గ రెస్టారెంట్‌గా పేర్కొంది. మొదటి స్థానంలో యూఎస్, చికాగోకు చెందిన అలినియా నిలిచింది. ఇదే రెస్టారెంటులో ఇటీవల వైఎస్ జగన్ తన భార్యకు బర్త్ డే ట్రీట్ ఇచ్చారు. అంతకు ముందు మంచు ఫ్యామిలీ కూడా అరియానా-వివియానా పుట్టినరోజు వేడుకలు జరుపుకున్నారు. గతంలో క్రికెటర్ విరాట్ కోహ్లి తన గర్ల్ ఫ్రెండ్ అనుష్క శర్మతో కలిసి తన పుట్టినరోజు వేడుక జరుపుకున్నాడు. గతేడాది సల్మాన్ ఖాన్ సోదరి అర్పితా ఖాన్ వివాహం కూడా ఈ ప్యాలెస్ లోనే జరిగిన సంగతి తెలిసిందే. పలువురు బాలీవుడ్ ప్రముఖులు ఈ వివాహ వేడుకకు హాజరైన సంగతి అందరికీ తెలిసిన విషయమే.
.jpg)
