బాలీవుడ్ భామలు మహేష్ కి పనికిరారా?

సౌత్ సూపర్ స్టార్ మహేశ్ బాబు హీరోగా ఒక సినిమాను తెరకెక్కించడానికి దర్శకుడు మురుగదాస్ సన్నాహాలు చేస్తున్న సంగతి తెలిసిందే. ఈ సినిమాలో మహేశ్ బాబు జోడీగా ముందుగా శృతీహాసన్ అనుకున్నారు. అయితే మరోనటికి కూడా ఈ చిత్రంలో ఇప్పుడు చాన్స్ ఉన్నట్లు తెలుస్తోంది. అందుకు బాలీవుడ్ భామ అయితే బాగుంటుందని ఆయన భావిస్తున్నాడని తెలుస్తోంది. ఇందుకోసం శ్రద్ధా కపూర్, అలియాభట్ పేర్లను పరిశీలిస్తున్నారట. ఈ ఇద్దరిలో ఎవరినో ఒకరిని తీసుకోవడం మాత్రం ఖాయమని అంటున్నారు. చిత్రం మూడు లాంగ్వేజ్ ల్లో కావటంతో బాలీవుడ్ నటి కూడా ఉంటే మంచిదని మురగదాస్ యోచనలో ఉన్నాడట. అయితే మహేష్ సరసన బాలీవుడ్ భామ వర్కవుట్ అవుతుందా?

                        నిజానికి మహేష్ సరసన బాలీవుడ్ నటీమణులు నటించిన చిత్రాలు అట్టర్ ఫ్లాప్ లే ఎక్కువగా ఉన్నాయి. సోనాలి బింద్రేతో జత కట్టిన ఒక్క మురారి తప్ప మిగతా చిత్రాలేవీ ఆడలేదు అనేకంటే డిజాస్టర్లు అనటం బెటర్. మొదటి చిత్రం రాజకుమారుడు ప్రీతి జింతా, టక్కరి దొంగలో బిపాసాబసు, లీసారే, నానిలో అమీషా పటేల్, అతిథి లో అమృతా రావు, రీసెంట్ వన్ నేనోక్కిడినే ఇవన్నీ ఫ్లాప్ చిత్రాలే.  ఇక ఇప్పుడు మురగదాస్ తీసే చిత్రం లో బాలీవుడ్ నటి అనే సరికి ఫ్యాన్స్ లో కాస్త భయం నెలకొంటుందట. చూద్దాం ఏం జరుగుతుందో. బాలీవుడ్ మహేశ్ బాబుకి గల క్రేజ్ ను దృష్టిలో పెట్టుకుని, తనదైన స్టైల్లో మురుగదాస్ ఈ కథను రెడీ చేశాడు. సామాజిక సందేశం ఇందులో అంతర్లీనంగా ఉంటుందట. ఇక ఈ సినిమాను ఉగాదికి లాంచ్ చేయడానికి ప్రయత్నాలు జరుగుతున్నాయి.