మహేష్ పాటతో చైతూ టైటిల్....

గౌతమ్ మీనన్ నాగచైతన్యకు డెబ్యూ మూవీచేసి హిట్ ఇచ్చిన దర్శకుడు. ఈయన తమిళ డైరెక్టరే అయినప్పటికీ తెలుగు టైటిల్స్ కూడా పొయెటిక్ గా చాలా బాగా ఇస్తాడు. ఏం మాయ చేశావే, ఎటో, వెళ్ళిపోయింది మనస్సు.. వంటి సినిమాల పేర్లు చూస్తే ఆ విషయం తెలుస్తుంది. తెలుగులో కంటే తమిళంలో ఆయన ఇంకా అద్భుతంగా టైటిల్స్ ఇస్తారట. గౌతమ్ ఇప్పుడు నాగ చైతన్యతో రెండో సినిమాకు రెడీ అయిన సంగతి తెలిసిందే. తెలుగులో చైతూ తమిళంలో శింబులను పెట్టి బైలింగువల్ సినిమాగా రూపొందుతున్న ఈ రోడ్-యాక్షన్-రొమాన్స్ సినిమాకు ఫైనల్ గా ఒక టైటిల్ పెట్టారు. మహేష్ బాబు సూపర్ హిట్ సినిమా 'ఒక్కడు' లోని ఓ పాట ‘సాహసం స్వాసగా సాగిపో సోదరా... ’ అనే పాట నుంచి ''సాహసం స్వాసగా సాగిపో'' అంటూ ఈ సినిమాకు ఒక టైటిల్ అందించేశారు.  ఇకపోతే ఈ బైలింగువల్ సినిమాకు హీరోయిన్ మాత్రం ఒక్కరే అనుకుంటున్నారు. మంజిమా మోహన్ అని మళయాళి హీరోయిన్ ఒక్క సినిమాలోనే నటించినప్పటికీ చైల్డ్ ఆర్టిస్టు ద్వారా పాపులర్ అయ్యిన నటి.
ఇక అక్కినేని ఫ్యామిలీ విషయానికి వస్తే ఇదే ఏడాదిలో చైతూ అఖిల్ సినిమా వచ్చి వెళ్ళిపోగానే అక్కినేని అభిమానులకు డబుల్ ఎంటర్ టైన్ మెంట్ ఇస్తాడట. పైగా నాగార్జున కూడా సోగ్గాడే చిన్ని నాయనా సినిమాతో వచ్చేస్తున్నాడు. అక్కినేని వారసులు ముగ్గురు ఇప్పుడు ఇండస్ట్రీలో ఎంటర్ టైన్ చేస్తున్నారు. ఈ ముగ్గురి సినిమాలు కూడా వరుసగా రావడం విశేషం.