రీమిక్స్ పాటలతో అల్లరి చేయనున్న మంచు-కంచు

23 యేళ్ల క్రితం వచ్చిన అల్లరి మొగుడు సినిమా అల్లరి గుర్తుకు వస్తే ఇప్పటికీ పెదాల మీద నవ్వు విరబూస్తుంది. ఆ సినిమా లో ఉన్న కామెడీ అలాంటిది మరీ... ఆ సినిమా పాటలూ అంతే... అన్నీ హిట్లే... ఇప్పుడు అదే సినిమా కాంబినేషన్ మోహన్ బాబు, రమ్య కృష్ణ, మీనా తో పాటు మరో జంట అల్లరి నరేష్, పూర్ణ కాంబినేషన్ లో వస్తున్న సినిమా మామ మంచు అల్లు డు కంచు.  ఈ సినిమాకు ముగ్గురు మ్యూజిక్ డైరెక్టర్లనీ సెట్ చేశారట. ఈ సినిమాలో యువజంట అల్లరి నరేష్ పూర్ణ కూడా ఆడిపాడబోతోంది. ఈ సినిమాకి ఇంకో అదనపు ఆకర్షణని కూడా జోడిస్తున్నట్టు సమాచారం.  అందేంటంటే... మోహన్బాబు నటించిన అల్లరి మొగుడులోని `ముద్దిమ్మందీ... ఓ చామంతీ` పాటని రీమిక్స్ చేయబోతున్నారట. ఆ రీమిక్స్ కోసమే కుంచె రఘుని రంగంలోకి తీసుకొచ్చినట్టు సమాచారం.  ముద్దిమ్మందీ... చాలా పాపులర్ పాట. ఆ పాటని మళ్లీ రీమిక్స్ చేసి వినిపిస్తే అదిరిపోతుందనడంలో ఏమాత్రం సందేహం లేదు. శ్రీనివాసరెడ్డి దర్శకత్వం వహించనున్న చిత్రం త్వరలోనే సెట్స్పైకి వెళ్లబోతోంది. ఓ మరాఠీ చిత్రం ఆధారంగా రూపొందనున్న ఈ సినిమాని మోహన్ బాబు  `అల్లరి మొగుడు` చిత్రానికి లింకు పెడుతూ తెరకెక్కిస్తున్నట్టు తెలిసింది. మరాఠీ చిత్రం కథ ఏమిటో గానీ ఆ అల్లరి మొగుడు కథలోని కొంత బాగం తీసుకున్నా సినిమా బ్రహ్మాండంగా ఆడుతుందనడంలో సందేహమే లేదు.