సింగం సినిమాలు సూర్య కెరీర్ లో బ్లాక్ బస్టర్లుగా నిలిచిన సినిమాలు. సూర్య పరాజయాల బాట పట్టిన ప్రతిసారి అతనికి 'సింగం' సినిమాలు సక్సెస్ ఇస్తూ వచ్చాయి. తనను సక్సెస్ ట్రాక్ ఎక్కించిన సింగం సిరీస్ లో సింగం 3 కూడా చేయాలనుకుంటున్నాడు సూర్య. ఈ చిత్రం కోసం మళ్ళీ దర్శకుడు హరిని అప్రోచ్ అయ్యాడు. ప్రస్తుతం సెట్స్ పై ఉన్న '24' మూవీ షూటింగ్ పూర్తి కాగానే, నవంబర్ 15న 'సింగం 3' ని సూర్య మొదలెట్టబోతున్నాడు. వీరిద్దరి కాంబినేషన్ లో ఇప్పటి వరకూ నాలుగు సినిమాలు వచ్చాయి. అన్నీ హిట్లే.
అయితే ఈ సినిమాకు ఇప్పటికే శృతి, అనుష్కలను హీరోయిన్లు తీసుకుంటున్నట్టు వార్తలు వచ్చాయి. మరో విశేషం ఏమిటంటే 1000 సినిమాల్లో నటించిన మనోరమ ఇటీవల అనారోగ్యం కారణంగా సినిమాల్లో చేయడం లేదు. ఆమె ఆరోగ్యం కుదుట పడి మళ్ళీ సింగం 3లో నటించేందుకు రెడీ అయినట్టు వార్తలు వినిపిస్తున్నాయి. ఈమె సింగం లో అనుష్కకు బామ్మగా నటించింది. తను మళ్ళీ నటించడం విషయమై మాట్లాడుతూ ‘‘ఇప్పటికే తనకు చాలా ఆఫర్లు వస్తున్నారు. నా ఆరోగ్య కారణంగా నేను అన్నటికీ ఒప్పుకోవడం లేదు. ఇప్పుడు హరి సింగం 3లో చేస్తున్నాను. సింగంలో అనుష్కకు బామ్మగా నటించాను. ఇదే పాత్రను సింగం3లో కూడా చేస్తున్నాను’’ అన్నది.
అయితే సింగం 3 తొలి షెడ్యూల్ ను విశాఖలో జరుపుతారట. తర్వాత షెడ్యూల్స్ తమిళనాడు, కేరళ, గోవాల్లో జరుగుతాయి. ఇక వచ్చే యేడాది మార్చి నుండి ఆస్ట్రేలియా, న్యూజిలాండ్, మలేసియాలలో షూటింగ్ చేస్తారు. ఇదిలా ఉంటే... ఈ సినిమాకు సంబంధించిన భారీ క్లయిమాక్స్ ను ప్యారిస్ లో తీయాలని ప్లాన్ చేస్తున్నాడట దర్శకుడు హరి. సూర్య సింగం 3తో మరో హిట్ కొట్టాలని కోరుకుందాం.
.jpg)
